ஈழம் - ஓவிய சாட்சியம்

பதிவு

ஒளிப்படத்தில் பதிவானது இருண்டிருந்ததைப் பார்த்தாளோ அவள்?.

களம்

.பதுங்கி இருப்போமே
தவிர ஒதுங்கி இருக்க மாட்டோம்.


- காசி ஆனந்தன்

                        

கடமை

முதுமை ஒரு தடையல்ல..


- காசி ஆனந்தன்

திடம்

புயல்

வீராங்கனைகள்
நெற்றியில் முத்தமிட்டு
குருதிப்புயலில்
விடுதலையின் கொடி !

- இன்குலாப்

வஞ்சினம்

கொலை செய்கிறவனை

சாகடிப்பது கொலையல்ல


- காசி ஆனந்தன்

                      

சந்திப்பு

சமமாய் நின்றே சந்தித்தோம் –
சமரையும் சாவையும்.


- காசி ஆனந்தன்

காலம்

மானுடம் தனது விடுதலை வெளியை
மரண முற்றுகையில் மீட்கிற காலம்.

- காசி ஆனந்தன்

துரோகம்

துல்லியம் காட்டும்
தொலைநோக்கியில்
தெரியாமல் போனவை-
முதுகுக்குப் பின் நின்ற
துரோக முகங்கள் !.


-இன்குலாப்

பாய்ச்சல்

ஒரே நேரத்தில்
மண் விடுதலையும்
பெண் விடுதலையும்.


- காசி ஆனந்தன்

                     

கனல்

தோளில் போராட்டமும்
கண்களில் விடுதலையுமாய்…


- காசிஆனந்தன் .

ஆணை

கீழே போடுவதற்காக
நாங்கள் துப்பாக்கி ஏந்தவில்லை.

- காசி ஆனந்தன்

காத்திருப்பு

காத்திருக்கிறோம்
காலத்திற்காகவும்
ஈழத்துக்காகவும்
- காசிஆனந்தன்

பதுங்கு குழி

மண் துளைத்து இறங்கும்
மரணத்தின் வெடிமுழக்கத்தை
தாங்குமோ?
தாலாட்டில் இனிததரிந்த
இளஞ்செவிப்பறைகள்!
- கவிஞர் இன்குலாப்

உடைப்பு

ஒரு காலத்தில்
அகப்பை பிடித்த கை


- கவிஞர் காசிஆனந்தன்

வேர்

என் கைகளில்
துப்பாக்கி தந்தவன்
எதிரி.


- கவிஞர் காசிஆனந்தன்

காவல்

துப்பாக்கி என்னை பாதுகாத்தது.
நான் துப்பாக்கியை பாதுகாத்தேன்..


- கவிஞர் காசிஆனந்தன்

                       

சிறகு

தாய்க்கோழி விரித்த சிறகாய் இருந்தது
தோளில் சுமந்த எறிகணைகள் !
- கவிஞர் இன்குலாப்

இயக்கம்

தொடர்பில் இருக்கிறோம்
தொடர்ந்து…


கவிஞர்.காசிஆனந்தன்.

                   

மண்

என் தோழர்களின்
பிணங்கள் விழுந்த மண்.


கவிஞர்.காசி ஆனந்தன்

                  

தேவை

போருக்கான தேவை
இருக்கும் வரை
போரும் இருக்கும்.

கவிஞர்.காசி ஆனந்தன்

உண்மை


நாங்கள் சாகடிக்கப்படுவது
பயங்கரவாதிகள்
என்பதால் அல்ல
தமிழர்கள் என்பதால்.

- கவிஞர் காசிஆனந்தன்

                                                                                                 நன்றி தமிழீழம் எனது தாய்நாடு(FACEBOOK)

ஈழம் - புகைப்பட சாட்சியம்

                                                                                                                       நன்றி தமிழீழம் எனது தாய்நாடு(FACEBOOK)

அணுஉலை

                            

           கூடங்குளம் அணு உலைக்காக தமிழர்கள் போராடினால் அவர்கள் மதத்தின் பெயரால் கிருத்துவர் என இனம் காணப்பட்டு அவர்கள் அமெரிக்காவின் உளவாளிகள் என்று குற்றம் சாட்டப் படுகிறார்கள் .

இசுலாமியர்கள் போராடினால் அவர்கள் பாகிஸ்தானிடம் பயிற்சி பெற்ற தீவிரவாதிகள். குற்றம் சாட்டப் படுகிறார்கள் .

தமிழர்கள் போராடினால் தேச துரோகிகள் குற்றம் சாட்டப் படுகிறார்கள் .ஒட்டு மொத்த தமிழர்களையும் உளவாளிகள், தீவிவாதிகள், தேசத் துரோகிகள் என கூறும் இந்தியா, இங்கு அணு உலையை துவங்க துடிப்பது ஏன்?

ஒன்னரை லட்சம் மக்களை கொல்லும் போதும் அமைதியாக இருந்தார்கள் . முல்லை பெரியாறு அணையை உடைப்பேன் என்றாலும் உண்ணா நிலை அறப்போர், என்று தங்களை வருத்தி கொண்டு போராடுகிறார்கள்.

       சிங்களவர் களிடமிருந்து உங்களை காப்பாற்ற முடியாது நீங்கள் தமிழ் மீனவர்கள் என்று கூறினாலும் இல்லை நாங்கள் இந்தியர்கள் என்கிறார்கள். நீங்கள் இந்தியர் இல்லை தமிழர் என்றாலும் இல்லை நாங்கள் திராவிடர்கள் என்கிறார்கள்.

இவர்களை போல முட்டாள்கள் இந்த உலகத்தில் யாரும் இருக்க முடியாது என்பதால் இங்கே அணு உலையை துவக்க இருக்கிறார்களோ ??

தமிழன் குப்பையில்

                                 
                     தமிழன் வரலாற்று ஓலை சுவடிகள் - குப்பையில்

               தஞ்சையை ஆண்ட மன்னர் சரபோஜி அவர்களால் உருவாக்கப்பட்டது தான் சரசுவதி மகால் நூலகம் . இது உலகின் முக்கியமான நூலகங்களில் ஒன்றாக திகழ்கிறது .

இங்கு மூன்று லட்சத்திற்கும் மேற்பட்ட ஓலை சுவடிகள், தஞ்சாவூர் ஓவியங்கள், கையெழுத்து படிகள், பழமையான நூல்கள் இங்கு பாதுகாக்கப்பட்டு வருகின்றன. 1627 அச்சிடப்பட்ட பழமையான் அச்சு புத்தகம் இங்கு பாதுகாக்கப் பட்டு வருகிறது .

தமிழர் நாட்டில் உள்ள பண்டைய ஓலை சுவடிகளில் 50 மட்டுமே இது வரை படித்து அறியப்பட்டுள்ளன .அதற்குள் அடங்கியவை தான் திருக்குறள்,சிலப்பதிகாரம் ,மணிமேகலை ,அகநானூறு, புறநானூறு பதிற்று பத்து, எட்டு தொகை ,நற்றிணை குறுந்தொகை ஐங்குறு நூறு சீவக சிந்தாமணி,பரி பாடல் போன்றவை .

இதில் சில இலக்கியங்களின் செழுமையும் தொன்மையையும் கண்டு உலகமே வியந்து நிற்கிறது .

மூன்று லட்சம் ஓலை சுவடிகளையும் படித்தறிந்தால் தமிழனின் வாழ்க்கை முறையும் தமிழ் மொழியின் செழுமையும் பற்றி நாம் அறிந்து கொள்ள எதுவாக இருக்கும் .

உலகில் தோன்றிய மொழிகளில், மூத்த மொழி தமிழ் மொழி, மூத்த இனம் தமிழினம் என்பதை ஆணித்தரமாக எடுத்துரைக்க இந்த ஓலை சுவடிகள் உதவும் .

செம்மொழியாம் தமிழ் மொழியின் தொன்மையான இலக்கியங்களை கண்டறிந்து அடுத்த தலைமுறைக்கு அளிக்க வேண்டிய கடமை நமக்கு உண்டு

இதற்கு வெறும் நூறு கோடி ரூபாய் ஒதுக்கினால் போதுமானது 

முள்ளிய வாய்க்கால் படுகொலைகள்

                                                 
                                                   இருதயம் பலவினமனோர் பார்க்கவேண்டாம்

முல்லையில் இரத்தம் குடித்தாய்
எல்லையில் துக்கம் கொடுத்தாய்
தொல்லைகள் தேக்கம் அளித்தாய்
பிள்ளைகள் தூக்கம் கெடுத்தாய்
மனம் அழும் வாழ்க்கை தனிலே தினம் எழும் கோப அலைகள்
கனமான இதயம் கண்டேன்
விடியாத உதயம் கண்டேன்,
சிரசற்ற சிசுவைக்கண்டேன்
அசைவற்ற பசுவைக்கண்டேன்,
பொன்நகை கொடுத்து உணவு உண்டேன்
புண்னகை இழந்து மனம் வெந்தேன்,
தினம் வெடித்தது நூறு குண்டு,
துடித்தது நம் உறவு தேம்பி ,
சிரித்தது சிங்களம் அங்கே,
கொதித்தது நம் உணர்வு,
அதை அணைத்தது எம் குடும்ப எண்ணம்,
தினம் ஜெபித்தது இறைவன் நாமம்,
துதித்திடா நம் வீரக்கரங்கள்,
இறைவனும் இறந்திருப்பானோ என
இன்றென்னை எண்ண வைக்கும்
இத்தனை பிணக்குவியல்.

                             
Rathina Vel : தமிழனாக பிறந்ததை தவிர இந்த பிஞ்சு செய்த தவறு என்ன? மனம் வேதனை அடைவதை தவிர வேறு எதுவும் செய்ய இயலாதவர்கள் ஆகி விட்டோம்
                             
                                  

முத்து குளியல் குளிக்க வேண்டிய முள்ளி
இரத்தக் குளியல் குளித்து விட்டது
சொந்தங்கள் இழந்த நம்மவர்
ஒன்று கூடும் ஒரே நாள்
மே 18 ம் திகதி மாறாத இரத்த வடுவாக மாறியது
சிவந்த மண்ணாக மாறியது
அத்தனை உயிரின் மறைவில்
இறைவா நீ உலகில் இருக்கிறாயா?
என்பதே சந்தேகமே??
பால் குடிமறவா பச்சிளம்
பிள்ளையே உனக்கு என்ன தெரியும்
உன்னையுமல்லவா அந்த கொடூரனின்
பசி கொன்று தின்றது.

                              
                              
                                  
                              
                              
    
இறுதி கட்ட போரில் செல் விழுந்து இரு குழந்தைக்கு தாயான அப் பெண்மணிக்கு முழங்கால் அளவு கால் துண்டிக்க பட்டு செயற்கை (மரக்) கால் பொருத்தப்பட்டுள்ளது .

அவரது கணவர் செல் துகள் பட்டு வலது கண் பார்வையை இழந்து விட்டார் .

சிறு குழந்தைகள் உடலிலும் போரின் காயத் தழும்புகள். வறுமையின் கொடுமை அவர்களது வாழ்க்கையில் தெரிகிறது .

போரினும் கொடிய நரக வாழ்க்கையை ஓர் ஆண்டு முகாம் வாழ்க்கையில் அனுபவித்து முடித்து விட்டனர் .

அந் நிலையிலும் அண்ணன் இருக்கிறாரா அண்ணா ? உறுதியாக தெரியவில்லை என்று சொல்லி முடிப்பதற்குள் கண்களிலிருந்து தாரை தாரையாக கண்ணீர் .அண்ணன் கண்டிப்பாக இருப்பார்
எங்கட கடவுள் அவர். எங்கள் நாட்டு மக்களை காப்பாற்ற நிச்சயம் வருவார் என்ற நம்பிக்கையில் தான் நாங்கள் உயிர் வாழ்ந்து கொண்டிருக்கிறோம் .

ஒரு குடும்பமே போரின் கோர வடுக்களை தாங்கி நிற்கிறது .அந்த வருத்தம் துளிக் கூட அவர்கள் முகத்தில் தெரியவில்லை ஆனால் அவர்கள் மனமோ தலைவரை நினைத்து ஏங்கி தவிக்கிறது .

இறை நம்பிக்கை உள்ளவர்கள் துன்பம் வரும் பொது கல்லாலான கடவுளை நம்புகிறார்கள் .எங்கள் மக்கள் உயிரோடு உள்ள மனித கடவுளை நம்பி வாழ்கிறார்கள் .

       ஆயிரம் ஆண்டுகளுக்கு பின் பூத்த அற்புத மலர் எங்கள் தேசியத் தலைவர் . எங்கள் தலைவரின் நாட்டில் வாழும் வாய்ப்பை தமிழர் நாட்டில் வஞ்சகத் தலைவர்கள் வாழும் எங்களுக்கு வாய்க்க வில்லைலையே தலைவா .
                              
                              
                              
                              
                              
                                     

         சிறீலங்கா அரசாங்கத்தின் நடவடிக்கைகள் அவதானிக்கப்பட்டு வருவதாக ஐக்கிய நாடுகள் அமைப்பு அறிவித்துள்ளது.
குற்றச் செயல்களுக்கு தண்டனை வழங்கும் வகையில் அரசாங்கம் எடுத்து வரும் ஒவ்வொரு நடவடிக்கை குறித்தும் சர்வதேச சமூகம் கவனம் செலுத்தி வருவதாக ஐக்கிய நாடுகள் பொதுச் செயலாளரின் பேச்சாளர் மார்டின் நெசர்கீ தெரிவித்துள்ளார். மனிதாபிமான மீட்பு நடவடிக்கைகள் தொடர்பில் பாதுகாப்பு அமைச்சினால் வெளியிடப்பட்டுள்ள அறிக்கை இன்னமும் உத்தியோகபூர்வமாக தமக்கு கிடைக்கப்பெறவில்லை என அவர் சுட்டிக்காட்டியுள்ளார். தேசிய ரீதியில் குற்றச் செயல்களுக்கு தண்டனை வழங்கப்பட வேண்டியது மிகவும் அவசியமானது என அவர் குறிப்பிட்டுள்ளார். குற்றச் செயல்களுக்கு தண்டனை வழங்குவது தொடர்பில் அரசாங்கத்தின் ஒவ்வொரு நகர்வினையும் சர்வதேச சமூகம் மிக உன்னிப்பாக கண்காணித்து வருவதாகத் தெரிவித்துள்ளார். பாதுகாப்பு அமைச்சின் அறிக்கை உத்தியோகபூர்வமாக சமர்ப்பிக்கப்பட்டதன் பின்னர் அது தொடர்பிலான கருத்துக்களை வெளியிட முடியும் என அவர் குறிப்பிட்டுள்ளார்.

                         
                         
                        

சிறீலங்கா மீதான விசாரணை நடத்த கனடா வலியுறுத்தவேண்டும்-ராதிகா சிற்சபேசன்
ஆக 4, 2011
Font size:
சிறீலங்காவிற்கு எதிராக போர்குற்ற விசாரணைகள் நடத்தப்பட வேண்டுமென கனடாவின் புதிய ஜனநாயகக் கட்சி பாராளுமன்ற உறுப்பினர் ராதீக சிற்சபேசன் தெரிவித்துள்ளார்
போர் குற்ற விசாரணை நடத்தப்பட வேண்டுமென ஐக்கிய நாடுகள் அமைப்பை கனடா வலியுறுத்த வேண்டுமென அவர் கோரிக்கை விடுத்துள்ளார். ஐக்கிய நாடுகளின் நிபுணர் குழுவினால் வெளியிடப்பட்டுள்ள அறிக்கையில் போரில் ஈடுபட்ட இரண்டு தரப்பினரும் குற்றச் செயல்களில் ஈடுபட்டிருந்தமை உறுதிப்படுத்தப்பட்டுள்ளதாகக் குறிப்பிட்டுள்ளார்.
இரண்டு தரப்பினரும் மக்களுக்கு இழைத்த அநீதிகளை ஒப்புக் கொள்ள வேண்டும் என அவர் கோரியுள்ளார். இலங்கையில் இடம்பெற்ற குற்றச் செயல்களுக்கு தண்டனை வழங்கப்படக் கூடிய வகையில் பக்கச்சார்பற்றதும் நீதியானதும் சுயாதீனமானதுமான சர்வதேச விசாரணைப் பொறிமுறையொன்றை உருவாக்குவதற்கு ஐக்கிய நாடுகள் அமைப்பு முனைப்பு காட்ட வேண்டும் எனவும் அதற்கு கனடா அழுத்தம் கொடுக்க வேண்டும் எனவும் அவர் வலியுறுத்தியுள்ளார்.
சுயாதீனமான விசாரணைகள் நடத்தப்பட வேண்டும் என்பதே கனேடிய அரசாங்கத்தின் நிலைப்பாடு எனவும் ஐக்கிய நாடுகளின் நிபுணர் குழு அறிக்கைக்கும் ஆதரவளிக்கப்பட்டு வருவதாகவும் அவர் மேலும் தெரிவித்துள்ளார்

                                                                             - நன்றி  சிட்டு குருவி(FACE BOOK)

தமிழ் மன்னர்கள்

                       
                                             ஈழ வம்சம்
81 குறுநில அரசை ஒரு குடையில் ஆண்ட ஈழ வம்ச தமிழ் மன்னர்கள் ,

கரு முகில் கூட்டங்கள் விலகிடாத அந்த வைகறை வேளையில் ,நீம்மதியை இழந்து உறக்கத்தை மறந்தர்வர்களும்
அதிகாலையில் அயர்ந்து தம்மை மறந்து தூங்கி இருக்கும் வேளையில் குதிரை வீரர்கள் கோட்டை வாசலினுள் அதிவகமாக உள் நுழைந்தனர், கோட்டை வாயில் காவலர் தலைகள் ஒரு சில வினாடிகளின் தரையை தொட்டது .ஈழ சேனனின் தோள் பலத்தை நன்கு அறிந்திருந்த நாக குத்தன் இன்று தான் அவன் வாள் வீச்சின் முழுமையான வலிமையை உணர்ந்தான் . இவர்களை எதிர்த்தவர்கள் தலைகள் மண்ணோடு மண்டி இட்டது .அபாயக் குரல்களின் பெரும் கூக்குரலால் வாய் வீரம் பேசிய தீசன் சகோதரர்கள் இவர்கள் கோட்டைக்குள் புகுந்த செய்தி அறிந்ததும் பாதுகாப்பு வழிகள் ஊடாக பெரும் காடுகளில் ஓடி ஒழித்தார்கள் .பெரும் போர் ஒன்று நிகழும் என்று எண்ணி வந்த ஈழ சேனனும் நாக குத்தனும் நண்பர்களும்,அதிக எதிர்ப்பு இன்றியே அனுராத புரத்தை கைப்பற்றினர் .வளை வாணனால் உதவிக்கு அனுப்ப பட்ட பெரும் படையும் வந்து சேர இவர்கள் படை பலத்துக்கு அஞ்சிய தீசன் சகோதரர்களுடைய உயிர் தப்பிய படையினர் இவர்களிடம் சரணடைந்தனர் .தந்தை ஏற்கனவே தீசன் சகோதரர்களையும் உங்களை எதிர்க்கும் ஆயுததாரிகளையுமே தண்டிக்கும் படி கட்டளையிட்டு இருந்ததால் நாக குத்தன் சரண் அடைந்தவர்களை நல்ல முறையில் எந்த தீங்கும் செய்யாமல் ஏற்றுகொண்டான்.சரணடைந்தவர்களில் நல்லவர்கள் போல் நடித்த நய வஞ்சகர்களும் இருந்தார்கள் என்பது ஈழ சேனனின் இருபத்து இரண்டு வருட ஆட்சியின் முடிவிலேயே பூர்வீக ஈழவம்சத்தினரால் உணரப்பட்டது .அது பற்றி அந்த கால கதை நகர்வில் பார்ப்போம்.
உண்மை வரலாறு நான் மேலே எழுதிய திசையில் சென்று கொண்டு இருக்கையில் மாகாவம்ச மாயையில் குழப்பி போய் இருக்கும் மக்களை தெளிவுபடுத்த வேண்டிய நிலையில் நான் இருக்கின்றேன் ,,அதாவது பூர்வீக தமிழர்கள் ஆண்ட நிலம் ஈழ தேசம் என்பதை சொல்ல விரும்பாத மகா நாம தேரர் தென்னிந்தியாவில் இருந்து வந்த குதிரை வியாபாரிகள் சேனனும் குத்தனும் (குத்திகனும்)சூர தீசனிடம் இருந்து நாட்டை கைப்பற்றினார்கள் என்கின்றார் .,முதலில் இரு சாதாரண குதிரைவியாபாரிகளிடம் படை பலத்தோடு இருந்த நாட்டை இழந்தது என்று சொல்வதற்கு தேரருக்கு வெட்கம் அவமானம் இல்லையா ,இழந்திருந்தாலும் மீள இந்த இருவரிடம் இருந்து கைப்பற்றுவதற்கு இருபத்தி இரண்டு வரிடம் தேவையா ,இருந்தாலும் அவர் பூர்வீக தமிழர்களான ஈழசேனன் நாக குத்தனிடம் நாட்டை இழந்தான் சூர தீசன் என்பதை விட அந்நியனிடம் இழந்தார்கள் என்று சொல்வதில் ஒரு தற்பெருமையும் சுயநலமும் அவர் அடி மனதில் இருந்திருக்கின்றது .முதலாவது நாகர்கள்! கதிரமலையை ஆண்ட காலத்தில் அவர்கள் மட்டுமல்ல தென்னிந்தியர்களும் குதிரைகளை அரபு தேசங்களில் இருந்தே வர வளைத்தார்கள் .இதை பல்வேறு வரலாறுகள் உறுதி படுத்துகின்றது. நாக அரசர்களும் அன்றைய நாகதீபத்தில் அதாவது யாழ் குடாநாட்டின் மேற்பகுதியில் பிறகாலத்தில் அதாவது மூன்றாவது (நாக வளை வாணன்,தேவ நம்பிய தீசன் காலத்தில்) மிகப்பெரிய கடல் கோளால் தீவாகிய நயினாதீவில் உள்ள துறைமுகத்திலேயே அரபு கப்பல்கள் வந்து குதிரைகளை நாக அரசர்களுக்கு விற்றார்கள் இவர்களிடம் இருந்து நவரத்தினங்களையும் யானை தந்ததையும் அவர்கள் தேசங்களுக்கு பண்டமாற்றாக வாங்கி சென்றார்கள். எனவே ஈழத்துக்கு குதிரை வியாபாரிகளாக வந்தவர்கள் முஸ்லீம் களே இவர்களின் சந்ததியினர் பிற்காலத்தில் துறைமுகங்கள் சார்ந்த மன்னார் ,திருகோணமலை நயினாதீவு மட்டகிளப்பு ஆகிய பிரதேசங்களில் வந்து தங்கி வாழத்தொடங்கினார்கள் இவற்றை பின்னர் அந்த கால நீரோட்டத்தில் விரிவாக பார்ப்போம் .எனவே தீரர் அதாவது தேரர் சொல்வது போல் சேனன் குத்தன் என்று உலகில் எந்த ஒரு நாட்டிலும் முஸ்லீம்களுக்கு பெயர் இல்லை .எனவே தேரர் சொல்வது உண்மையை மறைக்க சோடிக்க பட்ட பொய் என்பது நிரூபிக்க படுகின்றது.இங்கேயே தான் விழி இழந்தாலும் எதிரி உயிரை இழக்க வேண்டும் என்ற கருத்து உள்வாங்க பட்டுள்ளது

அனுராத புரத்தை கைப்பற்றிய நாக குத்தனும் ஈழ சேனனும் தங்களது அரசை உறுதியாக வைத்திருப்பதற்காக குறுநில அரசர்களை தங்கள் ஆளுகைக்குள் கொண்டு வந்தார்கள் ஈழ சேனனின் மூதாதையினரின் உறவினர்கள் ஆண்ட மட்டக்களப்பு பகுதியயை இவர்கள் காலப்பகுதிலேயே மீண்டும் சிறந்த நகரமாக நாக குத்தன் வடிவமைத்து அங்கும் 7 குறுநில அரசுகளை உருவாக்கி அரசர்களை நியமித்தான் .ஈழ சேனன் மூதாதையர் குலத்து இயக்கர்கள் வாழ்ந்த திருகோண மலையையும் புனர் நிர்மாணம் செய்து சிறந்த நகரமாக்கி அங்கும் 18 சிற்றரசர்களை நியமித்து மீண்டும் தங்கள் ஆளுகைக்குள் கொண்டு வந்தார்கள். அரசின் கீழ் கதிர மலை இருந்த 26 குறுநில அரசர்களும் ஏற்கனவே கதிரமலை அரசின் ஆளுகையின் கீழேயே இருந்தனர் சகலபகுதிகளையும் விஸ்தரித்த இவர்கள் 81 குறுநில அரசர்களை தங்கள் ஆளுகைக்குள் கொண்டு வந்து அரசாண்டார்கள் ,கல்யாணி அரசையும் இவர்கள் உறவினர்களே ஆண்டார்கள் ஆனால் இந்த கல்யாணி அரசர்கள் உருகுணையில் அதாவது மாணிக்க கங்கையின் கரை பகுதியில் உள்ள இன்றைய மாகம அருகில் இருந்த காட்டு பகுதியில் சென்று ஒளித்து இருந்த தீசன் சகோதரர்களுடன் ரகசிய உறவுகளை பேணி வந்தார்கள் காலப்போக்கில் அவர்களுடன் திருமண உறவுகளை செய்து அவர்களை மறுபடியும் நாட்டு பகுதிகளுக்குள் வர மறைமுகமாக ஆதரவு அளித்தார்கள் .

ஈழ சேனனும் நாக குத்தனும் மறு புறம் தங்களது படை பலத்தையும் ஆளுகையையும் விஸ்தரித்து கோட்டைகளையும் அரண்மனைகளையும் கட்டியதோடு கடல் கோளால் அழிவுற்ற மாதோட்ட துறை முகத்தை திருத்தம் செய்ததோடு ஊர்காவற்றுறையிலும் மட்டக்களப்பிலும் புதிய துறைமுகங்களை நிர்மாணித்தார்கள் . இவர்களே கோணமலையில் இயற்கையாக அமைந்த கடல் தொடு தளத்தையும் துறைமுகமாக பாவனையில் ஈடு படுத்தினார்கள் ,இவர்கள் காலத்திலேயே அரசர்கள் அரபு நாடுகளில் இருந்து பெரும் தொகையான குதிரைகளை வரவழைத்தார்கள் ஈழ வரலாற்றில் முதன் முதலில் மிகப்பெரிய குதிரை படையையும் யானை படையையும் வைத்திருந்த அரசர்கள் இவர்களே .இவர்கள் காலத்தில் யானைகளை அதிவேகமாக ஓடுவதற்கு பயிற்றுவித்து இருந்தார்கள் இவ்வாறு சிறப்பாகவும் நீதி தவறாமலும் ஒரு மத சார்பில்லாமலும் இனங்களை பிரிவினை கண்ணோட்டத்தில் பார்க்காமலும் ஈழ சேனனும் நாக குத்தனும் அரசாண்ட வேளையில் .அசைக்க முடியாத சாம்ராச்சியமாக இருந்த அனுராத புரத்தை தீசன் சகோதரர்களால் கைப்பற்ற முடியவில்லை .அவர்கள் வஞ்சக சூல்சிகளால் அரசை பெற முயற்சிக்கும் மனோ நிலையிலேயே செயல்பட்டார்கள். நேரடி போர் எந்த வேளையிலும் புரிய ஆரம்பத்தில் முன்வரவில்லை .எனவே போர் இல்லாத நாட்டில் அதிகமானவர்களை படையில் வைத்திருப்பது நன்மையான விடயம் இல்லை என்பதை உணர்ந்த இவர்கள் தமது படையினர் எண்ணிக்கையை குறைத்து ஏனைய நாட்டு நலன்களில் ஈடுபடுத்தினார்கள் .நாக குத்தனும் .தனது தங்கை பொன்னம்மை நாகச்சியரை ஈழ சேனனுக்கு திருமணம் செய்து வைத்து முழுமையாக அனுராத புர அரசையும் அவனிடமே கொடுத்து விட்டு. கதிரை மலைக்கு சென்று ஈழ ஊர் ஈழசேனன் தங்கையை தானும் திருமணம் செய்து கொண்டு தன் வயோதிப தந்தைக்கு அரசியல் பணிகளில் ஓய்வு கொடுத்துவிட்டு கதிரைமலை அரசை ஆண்டான் .,

இந்த நிகழ்வுகளுக்கு பின்னர் தான் சில விளைவுகள் விபரீதம் ஆக தொடங்கியது கதிர மலை நாக அரசர்களின் வம்சத்தில் கல்யாணி அரசர்களே வம்சம் தோறும் திருமண உறவுகளை மேற்கொண்டு வந்தார்கள் .மூத்த சிவன் என்ற பாண்டிய பரம்பரையில் வந்தவன் .தந்தை பண்டு காபயன் இழந்த நாட்டை பெற வளை வாணன் அக்காவை முதலில் திருமணம் செய்த பின் இந்திர விழாவுக்கு வந்த சோழன் நெடும் கிள்ளி எனற சோழ இளவரசன் வளை வாணன் மூத்த மகள் பீலிய வளை நாகசியாரை காதல் திருமணம் செய்தான் , தற்பொழுது இளைய மகள் பொன்னம்மை நாகசியாரை ஈழ சேனன் திருமணம் செய்ததால் இவர்கள் இடையே மனக்கசப்பு உருவானது .இதனால் கோபம் உற்ற தென்பகுதி கல்யாணி நாக அரசர்கள் .மூத்த சிவன் பிள்ளைகளுடனும் அவன் உறவினர்களுடனும் உறவுகளை மேற்கொண்டார்கள் .இதனால்.ஓடி ஒளித்து இருந்த சூர தீசன் மகா சிவன் சகோதரர்கள் வெளியில் தலை காட்ட தொடங்கினார்கள் காலபோக்கில் உருகுணை இராச்சியம் என்று ஒரு சிற்றரசை மாணிக்க கங்கை பகுதியில் களனி அதாவது கல்யாணி அரசர்களின் உதவியுடன் இரகசியமாக அமைத்தார்கள் .

ஈழ சேனன் இல்லத்துணைவியாக முடிக்கு உரிய அரசியாக பொன்னம்மை நாகசியாரை திருமணம் செய்து இல்லறத்தில் இனிமையாக இருவீரும் நல்லறங்கள் பல செய்து வாழ்ந்து வந்தார்கள் இவர்களுக்கு இரண்டு பிள்ளைகள் பிறந்தனர்

பிறந்த குழந்தைகள் யார் என்பதையும் அவர்கள் ஈழவம்ச வரலாற்றில் எவ்வாறு வாழ்ந்தார்கள் என்பதையும் ஈழ சேனன் ஆண்ட அனுராத புர அரசு எவ்வாறான துரோகங்களாலும் சூழ்சிகளாலும் மீண்டும் கலப்பு வம்சத்தினரின் ஆளுகைக்குள் உட்பட்டது என்பதையும் வளரும் தொடரில் வரலாற்றின் நிகழ்வுகளில் பார்ப்போம் ,,,,,,,,,,,,,,,,,,,,,,தொடரும் ,,,,,

ஊடகர்

அரசு சார் செய்திகளை வெளியிடும்சாகச ஊடகர்கள்மத்தியில் அரச பயங்கவாதத்தை உலகுக்கு காட்டி பலியான ஊடகர் ‘மேரி கொல்வினை” தமிழுலகம் என்றும் நினைவில் நிறுத்தும்...

                  
                துணிகர போர்ச்சூழல் ஊடகவியலாளர் மேரி கொல்வினுக்கு எமது இரங்கல்!- நாடு மக்கள் விடுதலை

உலகில் பல இடங்களில் நடந்த யுத்தத்தின்போது உண்மைகள் மறைக்கப்பட்டு செய்திகள் இருட்டடிப்பு செய்யப்பட்ட பொழுதெல்லாம் அப்பகுதிகளில் மிகவும் துணிவுடன் செயற்பட்டு பல்வேறு உண்மைச் செய்திகளை வெளிக்கொண்டு வந்தவர் ஊடகவியலாளர் மேரி கொல்வின் என பிரித்தானியத் தமிழர் ஒன்றியம் தனது இரங்கல் செய்தியில் குறிப்பிட்டுள்ளது.

குறிப்பாக கொடூர சிங்கள அரசு தமிழர்களுக்கு எதிராக நடத்திய யுத்தத்தில் ஊடக உரிமை மறுக்கப்பட்டிருந்த சூழலில் 2001 ஆம் ஆண்டுப் பகுதியில் மேரி கொல்வின் அம்மையார் தமிழர் பகுதிக்கு வருவதற்கு சிங்கள அரசிடம் அனுமதி கேட்டிருந்தார். இருப்பினும் வழமைபோல் அனுமதி மறுக்கப்பட்டது.

இச்சூழலில் உண்மைச்செய்தியை வெளிக்கொணர்வதற்கு உயர் அர்ப்பணிப்புடன் செயற்பட்டு மிகத் துணிவுடன் வன்னிப்பகுதிக்கு வந்து பல்வேறு உண்மைத் தகவல்களை வெளிக்கொண்டுவர முயன்றார்.

சேகரிக்கப்பட்ட செய்திகளுடன் 17.04.2001 அன்று சிறீலங்கா இராணுவ வேலியைக் கடக்க முற்பட்டபோது சிறீலங்கா இராணுவத்தினரால் ஊடகவியலாளர் என இனம்காணப்பட்ட பின்பும் கைக்குண்டுத் தாக்குதலுக்கு உள்ளாக்கப்பட்டு காயப்பட்ட நிலையில் கைது செய்யப்பட்டு துன்புறுத்தலுக்கு உட்படுத்தப்பட்டார். இவருக்கான சிகிச்சையை சிறீலங்கா அரசு திட்டமிட்டு தாமதப்படுத்தியதனால் அம்மையார் தனது இடது கண்ணினதும் இடது காதினதும் செயற்பாட்டினை இழந்தார்.

இதே போன்று இறுதிக்கட்ட யுத்தமாகக் கூறப்படும் 2009 மே காலப்பகுதியில் நிகழ்ந்த வெள்ளைக்கொடிப் படுகொலையிலும் இத் துணிகர ஊடகவியலாளரான மேரி கொல்வின் அம்மையார் முக்கிய சாட்சியாக இருந்தார். எம்மைப் போன்று ஒடுக்கப்படும் இனத்தின் உண்மைச்செய்திகளை வெளிக்கொண்டுவர பாடுபட்டு தனது வாழ்நாளை அதற்காக அர்ப்பணித்த இந்த துணிகர ஊடகவியலாளர் மேரி கொல்வின் அம்மையாரின் இழப்பு உண்மையும் நீதியும் மறுதலிக்கப்பட்ட எம்போன்ற அடக்கப்படும் இனங்களுக்கு ஈடுசெய்ய முடியததாகும்.

இவரின் பிரிவிற்கு தமிழ் மக்களாகிய நாம் ஒருகணம் தலைசாய்க்கின்றோம். இவரின் இழப்பினால் துயருற்றிருக்கும் அம்மையாரின் குடும்பத்திற்கும் அவர் சார்ந்த ஊடக நிறுவனத்திற்கும் உலக ஊடகவியலாளருக்கும் தமிழீழ மக்கள் சார்பிலும் புலம்பெயர்ந்து வாழும் தமிழ் மக்கள் சார்பிலும் எமது இரங்கலைத் தெரிவித்துக் கொள்வதுடன் இவர்களின் கரங்களை உண்மை உணர்வுடன் பற்றிக்கொள்கின்றோம்.

கொலைக்களம்

           
                  

        

        

போர்க் குற்றங்கள்