கூடங்குளம்

                               

கூடங்குளம் அணு உலை பாதுகாப்பானது. நில

நடுக்கத்தாலோ சுனாமியாலோ பாதிப்படையாது என்றும்

சரியான இடத்தை முறையான ஆய்வுக்குப் பின்னர்தான்

தேர்வு செய்ததாகவும் அப்துல் கலாம் முதல் அரசு

உயர்மட்டக் குழு வரை சொல்லுகிறார்களே ?

ஒரு பிரச்சினை வருவதற்கு முன்பு அது வராது என்று

சொல்வதும் வந்தபிறகு அதை முன்பே கவனித்துவிட்டோம் என்று

சொல்வதும்தான் அணுசக்தி துறையின் வழக்கம். “இந்தியாவில்

சுநாமிகள் வருவதில்லை.எனவே புயல்களை மட்டுமே ஆய்வுக்கு

எடுத்துக் கொண்டிருக்கிறோம்.” என்று நவம்பர் 1986ல் கன நீர்

அழுத்த அணு உலை பாதுகாப்பு பற்றிய அறிக்கையில் அணுசக்தி

நிர்வாகம் சொல்லிற்று. ஆனால் 2004ல் சுநாமி கல்பாக்கத்துக்கும்

கூடங்குளத்துக்கும் வந்தது. கல்பாக்கம் உலை சுநாமியைக் கணக்கிட்டு வடிவமைக்கப்பட்டதில்லை. தப்பியது அதிர்ஷ்டமே தவிர, அணு விஞ்ஞானிகளின் முன்யோசனையான பாதுகாப்பால் அல்ல. ஆனால் அதன்பிறகு கல்பாக்கம் சுனாமியிலிருந்தும் பாதுகாப்பாக இருப்பதாக அணுசக்தி துறை சொல்லிவிட்டது.

கூடங்குளத்தில் ஆய்வு செய்யப்பட்டு முதல் அறிக்கை

தரப்பட்டது 1998ல். அப்போது தெரியவராத பல உண்மைகள்

2002ல் வெளியாகியிருக்கின்றன. கூடங்குளம் பகுதியில் கீழ்ப்புறம்

பழைய எரிமலைக் குழம்புகள் இறுகிய பாறையாக இருப்பதாகவும்

இவை நிலையற்றவை என்றும் கேரளப் பல்கலைக்கழகத்க்தை

சேர்ந்த டாக்டர் பிஜு, டாக்டர் ரமா சர்மா. ஆகியோரின் ஆய்வுகள்

தெரிவிக்கின்றன. இது பற்றிய கட்டுரை 2004ல் கரண்ட் சயன்ஸ் ஏட்டில் வெளியாகியுள்ளது. இந்த நிலவரத்தை உலை அமைப்பாளர்கள் கணக்கில் எடுக்கவே இல்லை. கூடங்குளம் பகுதியில் சுனாமி வராது என்ற நிலையையே எடுக்கிறார்கள். ஆனால் அரசின் ஆய்வுக் குழு உறுப்பினராக இருந்த நில நடுக்க இயல் நிபுணர் அருண் பாபட் 1998லேயே இப்பகுதியில் எதிர்காலத்தில் சுனாமி வரக் கூடும் என்று தெரிவித்திருக்கிறார். அவர் கருத்தை அரசு அப்போது ஏற்கவில்லை. ஆனால் அவர் சொன்னபடி 2004ல் சுனாமி கூடங்குளத்தில் அணு உலை பகுதிக்கு வந்தது.

கல்பாக்கத்திலும் கூடங்குளத்திலும் புகோஷிமா மாதிரி விபத்துகள்

ஏற்பட்டால், முழு தமிழகமே பாதிக்கப்படும். கூடவே ஆந்திரமும்

கேரளமும் பாதிப்புக்குள்ளாகும். கல்பாக்கத்தில் முதல் இரண்டு

அணு உலைகளைக் கட்டி முடித்தது 1983ல். பின்னர் 1985ல் அதி

ஈனுலை. 1996ல் காமினி உலை. ரீபிராசசிங் எனப்படும் எரிபொருள்

மறுசுத்திகரிப்பு ஆலையும் உள்ளது. அணுக் கழிவுகள் கிடங்கும்

உள்ளது. கடல்நீரை நன்னீராகும் டிசாலினேஷன் ஆலை இருக்கிறது.

1997 வரையில் பயன்படுத்திய எரி பொருள் 125 டன் என்பது

கணக்கு. ஒரு டன்னில் 3 கிலோ புளுட்டோனியம் கிடைக்கும்.

இதுதான் அணுகுண்டுக்கான கச்சாப்பொருள். கல்பாக்கத்தில்தான்

அணுசக்தியால் இயங்கும் நீர்மூழ்கிக் கப்பலை தயாரிப்பதற்கான

கடற்படையின் ஆராய்ச்சி தளமும் உள்ளது. (முப்பது வருடமாகியும்

இதை இன்னமும் உருவாக்கி முடியவில்லை.)

கல்பாக்கத்திலிருந்து 104 கிலோமீட்டர் தொலைவில் கிழக்கே

வங்கக் கடலின் அடியில் எரிமலை இருப்பதாக கண்டறியப்பட்டுள்ளது. ஆனால் இது பற்றி அணுசக்தி துறைவசம் எந்த ஆய்வும் இல்லை. ஜனவரி 20, 1757ல் இந்த எரிமலை பொங்கியதாக வரலாற்றுக் குறிப்பு உள்ளது என்று மருத்துவர் ரமேஷ் ஆய்வில் தெரியவந்தது.

சுனாமியால் கல்பாக்கம், கூடங்குளம் இரண்டுக்கும் எந்த

ஆபத்தும் இல்லை என்று அரசு சொல்லுகிறது.ஆனால் 2004 சுனாமி,

கூடங்குளத்தில் கடல் நீரை நன்னீராக்கும் டீசாலினேஷன் ப்ளாண்ட்டை நாசப்படுத்தியது. அப்போது அணு உலையின் இதர பகுதிகள் கட்டி முடியவில்லை. கல்பாக்கத்தில் சுனாமி அணு உலை ஊழியர் குடியிருப்பு, மருத்துவமனை, மத்திய காவல் படை அலுவலகம், புதிய அதிவேக உலை கட்டுமானம் ஆகியவற்றை சேதப்படுத்தியது. நான்கு விஞ்ஞானிகள் உட்பட 60 பேர் இறந்தனர். புதிய அணு உலைக்காக பூமிக்கடியில் 51 ஆடி ஆழத்துக்கு பெரிய வட்டமான குழி வெட்டி கட்டுமான வேலைகள் நடந்த இடத்தில் கடல் நீர் புகுந்தது. அங்கே பெரும்பாலும் வட இந்தியர்களான கட்டடத் தொழிலாளர்கள் வேலை பார்த்தனர். குழியிலிருந்து வெளியே உடனே ஓடி வர முறையான படிக்கட்டு எதுவும் கிடையாது. கயிற்றேணிகள்தான்.

சுனாமி வரப் போகிறது என்ற முன் எச்சரிக்கையும் தரப்படவில்லை.

ஏனென்றால் கல்பாக்கம் அணு உலை வளாகத்தில் சீஸ்மோகிராஃப்

எனப்படும் நில நடுக்க அளவிடும் கருவியே கிடையாது. சுமார் 150

தொழிலாளர்கள் சிக்கி இறந்திருப்பார்கள் என்று சொல்லப்படுகிறது.

நிர்வாகம் ஒரே ஒரு காந்தம்மாள்தான் இறந்ததாகக் கூறியது. இந்த

சம்பவம் பற்றி சுயேச்சையான விசாரணை எதுவும் நடக்கவில்லை.

கல்பாக்கம் அணு உலையை சுனாமி தாக்கி 25 நாட்களாகியும்

மேலதிகாரிகள் யாரும் வந்து பார்க்கவில்லை என்று தொழிற்சங்கப்

பிரதிநிதி சதாசிவம் என்பவர் அரசுக்கு எழுதிய கடிதத்தில்

சொல்லியிருக்கிறார்..

அடுத்து சுனாமி வந்தால் கூடங்குளம் பாதிக்கப்படாது

என்பதற்கு அரசு சொல்லும் காரணம் எல்லா கட்டுமானங்களும்

கடல்மட்டத்திலிருந்து 9.5 மீட்டர் உயரத்தில் கட்டப்பட்டிருப்பதாகும்.

சென்ற சுனாமியில் கூடங்குளத்தில் சுனாமி அலை புகுந்த உயரம் 5

மீட்டருக்கு மேல். கல்பாக்கத்தில் பத்து மீட்டர். இதைக் கணக்கிட்டுதான் கூடங்குளம் பாதுகாப்பானது என்கிறார்கள். அடுத்த சுனாமி வந்தால் பழையபடி 5 மீட்டர் உயரம்தான் வரும், 10 மீட்டர் வராது என்பதற்கு விஞ்ஞானப்பூர்வமாக எந்த ஆய்வோ கணக்கிடுதலோ இல்லை. இது வெறும் ஆரூடம்தான்.

1960களில் இந்தியாவில் அணுசக்தி அறிமுகமான சமயத்தில் உலக

அளவில் ஆண்டு தோறும் நடக்கக்கூடிய இயற்கை பேரழிவுகள்- நில

நடுக்கம், சுனாமி, பெருவெள்ளம் போன்றவை வெறும் 40. ஆனால் 2010ல் இது வருடந்தோறும் 350 முதல் 400 என்றாகிவிட்டது. பூகமபங்களின் எண்ணிக்கை மட்டுமே பத்து மடங்கு அதிகமாகியிருக்கிறது. எனவே இயற்கைப் பேரழிவுகளில் அணு உலைகள் சிக்கினால், விளைவுகள் படுமோசமாக இருக்கும். பாதுகாப்பான அணு உலை என்று உலகில் எதுவும் கிடையாது. இன்னும் தப்பித்து வருகிற அணு உலை என்றுதான் ஒவ்வொன்றையும் சொல்ல முடியும்.

ஒரு வாதத்துக்காக நில நடுக்கம், சுனாமி எதுவுமே வராது என்று வைத்துக் கொள்வோம். அப்படியானால் அணு உலைகள் பத்திரமானவைதானே ?

இல்லை.புகோஷிமாவில்தான் சுனாமி. ஆனால் அதற்கு முந்தைய

மிகப்பெரிய விபத்தான சோவியத் யூனியனின் செர்னோபில் அணு

உலை விபத்து முழுக்க முழுக்க மனிதத் தவறுகளால் நடந்ததுதான்.

எந்த தொழிற்சாலையிலும் மனிதத் தவறுகள் நடக்கும் வாய்ப்பு

உண்டு. ஆனால் அதனால் விபத்து நடந்தால் ஏற்படும் பாதகமான

விளைவுகள் என்ன என்று பார்க்கவேண்டும். உலகத்திலேயே மிக

அதிக பாதகமான விளைவுகளை ஏற்படுத்தக் கூடியவை அணு உலை

விபத்துகள்தான். காரணம் அவற்றிலிருந்து வரக்கூடிய ஆபத்தான

கதிரியக்கம் பல தலைமுறைகளுக்கு மனிதர்களையும், நீர். நிலம்,

காற்று, விவசாயம் அனைத்தையும் பாதிக்கக்கூடியது.

செர்னோபில் விபத்தில் 2000 பேர் இறந்ததாக அப்போது சோவியத்

அதிபராக இருந்த கோர்பசேவே சொல்லியிருக்கிறார். ஆனால் அதில்

57 பேர் மட்டுமே இறந்ததாக ஹிந்து பத்திரிகையில் கூடங்குளத்தை

ஆதரித்து எழுதிய கட்டுரையில் கூசாமல் பொய் சொன்னார் அப்துல்

கலாம். 1986லிருந்து 2004 வரை செர்னோபில் விபத்துக் கதிர்வீச்சால்

நோயுற்று செத்தவர்கள் மொத்தம் ஒன்பது லட்சத்து 85 ஆயிரம் பேர்

! இன்னும் 20 ஆயிரம் வருடங்களுக்கு கதிர் வீச்சு நீடிக்கும் என்பதால்

தொடர்ந்து வருடந்தோறும் ஆயிரக்கணக்கில் மெல்ல மெல்ல புற்று

நோய் போன்றவற்றால் இறந்துகொண்டிருப்பார்கள்.

உலையை சுற்றி ஒரு லட்சம் சதுர மைல் பரப்புக்கு அதாவது

சுமாராக முழுத் தமிழ்நாடு அளவுக்கு கதிரியக்கம் கடுமையாக

பதித்திருக்கிறது. இன்னும் ஆயிரக்கணக்கான வருடங்களுக்கு

இந்த பாதிப்பு இருக்கும். செர்னோபில்லின் கதிர்வீச்சுக்குள்ளானவை

ஐரோப்பாவில் 40 சதவிகித இடம், ஆசியாவில் எட்டு சதவிகிதப்

பரப்பு. இங்கெல்லாம் மொத்தமாக 40 கோடி மக்கள் கதிரியக்கத்துக்கு

உள்ளானார்கள். உலையை சுற்றி வெறும் 30 கிலோமீட்டர் பகுதியில்

இருந்த நான்கு லட்சம் பேரை உடனே வெளியேற்ற வேண்டியதாயிற்று. இன்னும் 5 கோடி பேர் ஒரு கோடி குழந்தைகள் உட்பட கதிரியக்க ஆபத்தான பகுதியில் இருக்கிறார்கள்.

1947லிருந்து 2008 வரை 76 அணு உலை விபத்துகள் உலகில்

நடந்திருக்கின்றன. (இதில் 56 விபத்துகள் செர்னோபில்லுக்குப் பிறகு

நடந்தவை.) அதாவது ஒவ்வோராண்டும் ஒரு பெரிய விபத்து. அதனால் ஏற்பட்ட உயிர், உடமை, வாழ்க்கை சேத நஷ்டங்களின் மதிப்பு மட்டும் வருடத்துக்கு சுமார் 332 மில்லியன் டாலர்கள். எம்.ஐ..டி என்ற உலகப் புகழ் பெற்ற நிறுவனம் 2005லிருந்து 2055க்குள் உலகில் நான்கு பெரும் அணு விபத்துகள் நடக்கும் என்று முன்கூட்டியே கணித்திருந்தது. அதில் ஒன்றுதான் 2011ல் நடந்த புகோஷிமா விபத்து. 

கூடங்குளம்

                               

ஆந்திரா மாநிலம் நாகார்சுனாசாகர் மற்றும் கேரளா மாநிலம் பூதான்கெட்டு பகுதியில் நிறுவப்பட உத்தேசித்திருந்த இந்த கூடங்குள அனு உலை அந்த மாநிலத்தில் இருக்கும் ஒட்டுமொத்த மக்களின் எதிர்ப்பால் இடமாறி கூடங்குளத்தில் அமைக்கிறார்கள்

      2011 சூலை மாதம் ரஸ்யா பிரதமர் மெத்தவதே ரஸ்யா சுற்றுச்சுழல் அறிவியல் அறிஞர்கள் ஆய்வு செய்து தந்த அறிக்கையில் தற்போது கூடங்குளத்தில் நிறுவப்படும் விவி,இ,ஆர் 1000 அனு உலையில் 31 குறைபாடுகள் உள்ளதை சுட்டிகாட்டியுள்ளார்கள் அதைப்பற்றி  உங்களால் விளக்கமாக தமிழக மக்களுக்கு சொல்ல முடியுமா

     கூடங்குளத்தில் மிகப்பெரிய கொதிகளன்களின்மூலம் கடலில் 1300 டிகிரி பாரன்கீட்டுக்குமேல் வெப்பத்துடன் கடலில் கலப்பதால் கடல்வாழ் உயிரினங்கள் பாதிப்பு ஏற்படுமா ஏற்படாதா?

      இதுபோல், கல்பாக்கத்தில் பாதுகாப்பு, ஒத்திகை  நடைபெற்றபோது அங்கிருந்த இரண்டு பஸ் இயங்கவில்லை. அதோடு வாக்கி டாக்கியும் செயல்படவில்லை. கல்பாக்கத்தில் அமைந்துள்ள சென்னை அணு மின் நிலையத்தில் 16 கி.மி சுற்றளவில் சுமார் 70 கிராமங்கள் உள்ளன. சுற்றுவட்டார ஜனத்தொகை சுமார் 1 லட்சமாகும். அணு உலை விபத்து நேர்ந்தால் இவ்வளவு மக்களையும் பாதுகாப்பான பகுதிக்கு இடப்பெயர்வு செய்ய சரியான சாலை வசதியோ வாகன வசதியோ இதுவரை ஏற்பாடு செய்யப்படவில்லை. என்பது உங்களுக்கு தெரியுமா தெரியாதா
    மருத்துவ அவசர தயாரிப்பு நிலை மிகவும் மோசமாக உள்ளதும். கல்பாக்கத்தைச் சுற்றி 16 கி.மி. தொலைவில் மூன்று ஆரம்ப சுகாதார மையங்களே உள்ளதும் இவற்றில் மருத்துவர்களும் செலிவியர்களும்  பாதிபேர் இல்லையென இங்கு இருக்கின்ற யுவராஜ் போன்றவர்களுக்கு தெரியுமா தெரியாதா
    கல்பாக்கத்தில்அணுக்கதிரினால் பாதிக்கப்பட்ட ஒரு நபருக்கு முதலுதவி செய்வதற்கான போதிய பயிற்சி ஒருவருக்காவது இருக்கிறதா  மருந்துகள் போதிய அளவு  உள்ளதா பாமர தமிழ்சாதியின் மேல் அக்கறை இல்லாத அம்மா ஜெ நீண்ட நாள் நலமுடன் வாழ தீச்சட்டி ஏந்திடும் நம் பெருமைமிக்க ஆளும் கட்சி மந்திரி எம், எல்,யேவுக்கு தெரியும் சொல்லுங்கள் பார்ப்போம்

     இந்திய விண்வெளி ஆராய்ச்சி நிறுவனம் (இஸ்ரோ) தொடர்பாக அம்பலப்பட்ட ஊழலை  வெளியிட்ட போது  உங்கள்மீதும் பலகோடி ரூபாய் லஞ்சம் வாங்கியதாக பலபேருக்கு சந்தேகம் வந்துள்ளது உங்களுக்கு தெரியுமா கலாம் அவர்களே

    அணு உலைகளோடு வாழ்வது என்பது மடியில் அணுகுண்டைக் கட்டிக்கொண்டு இருப்பதற்கு நிகரானது என்று

    அணுசக்தி துறையின் முன்னாள் தலைவர் திரு கோபாலகிருஷ்ணன் நம் நாட்டில் உள்ள அணுசக்தி உலைகளில் பலவிதமான பாதுகாப்பு குறைபாடுகள் உள்ளதாக 1995-ம் ஆண்டு ஓர் அறிக்கையில் கூறினார். இதனை அடிப்படையாகக் கொண்டு மும்பை உயர்நீதிமன்றத்தில் பொது நல வழக்கு ஒன்று தாக்கல் செய்யப்பட்டது. தெரியுமா தெரியாதா?

     1966–ம் ஆண்டு நடைமுறைக்கு வந்த அணுசக்தி சட்டம் (Atomic Energy Act, 1962) அணுஉலை காரணமாக உண்டாகும் சுற்றுச்சுழல் பாதிப்பு, அதனை தடுக்கும் முகாந்திரம், இழப்பீடு என எதைப்பற்றியும் பேசவில்லை. ஆனால் அணுசக்தி தொடர்பான அனைத்தும் இரகசியமானது என்றும் இச்சட்டத்தை மீறுவோர் மீது தண்டிக்க வகை செய்யும் கடும் தண்டனைப் பிரிவுகளை கொண்டுள்ளது இச்சட்டம்.

    கடந்த 2004-ம் ஆண்டு கல்பாக்கம் அணு உலையை சுனாமி தாக்கியபோது அணு உலை சார்ந்த அதிகாரிகள் மற்றும் ஊழியர்கள் மட்டுமே உடனடியாக அணு உலை அருகாமையில் இருந்து வெளியேற்றப்பட்டனரே தவிர சுற்றுபுறப் பகுதியில் வாழும் பொதுமக்களைப் பற்றி யாரும் கவலை கொள்ளவில்லை.  என்பது எத்தனைபேருக்குத்தெரியும்



(i) கல்பாக்கத்தில் அமைந்துள்ள சென்னை அணு மின் நிலையத்தில் 16 கி.மி சுற்றளவில் சுமார் 70 கிராமங்கள் உள்ளன. சுற்றுவட்டார ஜனத்தொகை சுமார் 1 லட்சமாகும். அணு உலை விபத்து நேர்ந்தால் இவ்வளவு மக்களையும் பாதுகாப்பான பகுதிக்கு இடப்பெயர்வு செய்ய சரியான சாலை வசதியோ வாகன வசதியோ இதுவரை ஏற்பாடு செய்யப்படவில்லை.


    அடுத்து மருத்துவ அவசர தயாரிப்பு நிலை மிகவும் மோசமாக உள்ளது. கல்பாக்கத்தைச் சுற்றி 16 கி.மி. தொலைவில் மூன்று ஆரம்ப சுகாதார மையங்களே உள்ளன. இவற்றில் சொற்ப எண்ணிக்கையில் மருத்துவர்களும் செலிவியர்களும் உள்ளனர். இவர்களுக்கு அணுக்கதிரினால் பாதிக்கப்பட்ட ஒரு நபருக்கு முதலுதவி செய்வதற்கான போதிய பயிற்சி அளிக்கப்படவில்லை. மேலும் முதலுதவிக்கான மருந்துகள் போதிய அளவு இங்கு உள்ளதா என்பதும் மிகப் பெரிய கேள்வியே. அணுக்கதிர் பாதிப்புகளை கண்டறியக் கூடிய கருவிகளும் இங்கு இல்லை.

   இந்த 2012 ஆம் ஆண்டு தமிழகத்தில் தொடங்கப்பட இருக்கும் மின் உற்பத்தி நிலையங்களின் விவரங்களை பாருங்கள்.

எண்	திட்டம்	மின் உற்பத்தி அளவு	தமிழகத்திற்கு கிடைக்கும் மின்சாரம்	பொருள் செலவு (ரூபாய்)	மின் உற்பத்தி தொடக்க காலம்
1	வட சென்னை படி – 2	2 * 600 = 1200 MW	1200 MW	4650 கோடிகள்	முதலாவது சனவரி 2012 இரண்டாவது பிப்ரவரி 2012
2	மேட்டூர் படி – 3	600 MW	600 MW	3106 கோடிகள்	மார்ச் 2012
3	த.நா.மி.வா. – NTPC – வல்லூர்	3 * 500 = 1500 MW	1041 MW	8444 கோடிகள்	முதலாவது டிசம்பர் 2011 இரண்டாவது மார்ச் 2012 மூன்றாவது அக்டோபர் 2012
4	த.நா.மி.வா. – NLC – தூத்துக்குடி	2 * 500 = 1000 MW	387 MW	4910 கோடிகள்	நவம்பர் 2012
5	ஏழு சிறு நீர்மின் திட்டங்கள்	90 MW	90 MW	1556 கோடிகள்	டிசம்பர் 2011 - மார்ச் 2012
6	கூடங்குளம் அணுமின் நிலையம்	2 * 1000 = 2000 MW	925 MW	நடுவண் அரசு	மார்ச் 2012
7	கல்பாக்கம் விரிவாக்கம்	2 *250 = 500 MW	167 MW	நடுவண் அரசு	மார்ச் 2012
8	நெய்வேலி இரண்டாம் படி விரிவாக்கம்	2 *250 = 500 MW	230 MW	நடுவண் அரசு	முதலாவது ஆகஸ்டு 2011 இரண்டாவது சனவரி 2012
	மொத்தம்	7390 MW	4640 MW

இந்த அட்டவணையின் படி 2012 ஆம் ஆண்டு முடிவிற்குள் தமிழகத்திற்கு 4640 மெகாவாட் மின்சாரம் புதிதாக கிடைக்கத் தொடங்கிவிடும். இதற்கும் மேலாக இந்த 2012 ஆம் ஆண்டு கீழ்கண்ட திட்டங்களைத் தொடங்க அரசு ஒப்புதல் அளித்திருக்கிறது.

எண்	திட்டம்	தமிழகத்திற்கு கிடைக்கும் மின்சாரம்	பொருள் செலவு	திட்டப் பணி தொடக்க காலம்	மின் உற்பத்தி தொடக்க காலம்
1	வட சென்னை படி – 2	800 MW	4800 கோடிகள்	2012	2015
2	வட சென்னை படி – 4	1600 MW	9600 கோடிகள்	2012	2016
3	உடன்குடி	1600 MW	9600 கோடிகள்	2012	2016
4	எண்ணூர் விரிவாக்கம்	600 MW	3600 கோடிகள்	2012	2015
5	குண்டா (Kundah Pumped Storage)	500 MW	1200 கோடிகள்	2012	2016
	மொத்தம்	5100 MW	28800 கோடிகள்

இவையும் தவிர்த்து கீழ்கண்ட புதிய மின் உற்பத்தி திட்டப்பணிகளுக்கு அரசு அதிகாரிகள் தயாராகிக் கொண்டிருக்கின்றனர்.

எண்	திட்டம்	தமிழகத்திற்கு கிடைக்கும் மின்சாரம்	பொருள் செலவு	திட்டப் பணி தொடக்க காலம்	மின் உற்பத்தி தொடக்க காலம்
1	உடன்குடி – விரிவாக்கம்	800 MW	4800 கோடிகள்	2013	2016
2	உப்பூர் அனல் மின் நிலையம்	1600 MW	9600 கோடிகள்	2013	2016
3	எண்ணூர் – மாற்று திட்டம்	600 MW	3600 கோடிகள்	2012	2016
4	தூத்துக்குடி – படி 4	800 MW	4800 கோடிகள்	2012	2016
	மொத்தம்	3800 MW	22800 கோடிகள்

இதுவும் போதாது என்று காஞ்சிபுரம் மாவட்டம் செய்யூரில் 4000 மெகாவாட் உற்பத்தி திறன் கொண்ட அனல் மின் நிலையத்தை 18000 கோடி ரூபாய் செலவில் அமைத்திட தமிழக அரசு திட்டமிட்டிருக்கிறது. இத்திட்டத்தை நடைமுறைப்படுத்த சிறப்பு அமைப்பு ஒன்றைத் தொடங்கி இருக்கிறார்கள் (M/s. Coastal Tamil Nadu Power Limited). இத்திட்டத்திற்கான இடம் தேர்ந்தெடுக்கப்பட்டு மக்கள் கருத்துக்கேட்புகள் நடந்து கொண்டிருக்கின்றன.

காற்றாலை மின் உற்பத்தியிலும் தனியார் உதவியுடன் காற்றாலை மின்சாரத்தை மேலும் 10000  மெகாவாட் அதிகப்படுத்த  வாய்ப்பிருப்பதாக மின்சாரவாரிய அறிக்கை தெரிவிக்கிறது.

மேலே பட்டியலிடப்பட்டிருக்கும் திட்டங்களினால் வரும் சில ஆண்டுகளில் தமிழகத்திற்குக் கிடைக்க இருக்கின்ற மின்சாரம் 27540 மெகாவாட்.  இதில் கூடங்குளத்தில் இருந்து கிடைக்க இருப்பதென்னவோ 925 மெகாவாட் மட்டுமே

இன்னும் பல விவாதங்களுடன் பல விமர்சனங்களுடன்
பதவு போட இருக்கும் உங்கள் அன்பு
சிகா,லெனின் 90747357920

அணுஉலை கழிவுகள்

              

அணுஉலை கழிவுகள் பற்றிய பதிவு இது.....

அணுஉலையே சர்ச்சையில் ஓடிகொண்டிருக்கும் போது நாம் ஏன் அணுஉலை கழிவுகளை பற்றி பேச வேண்டும் ???.....

கீழே படியுங்கள்

          அணுஉலை வேண்டும் வேண்டும் என்று தொண்டை தண்ணி வற்ற கத்தி கொண்டிருக்கும் நவீன விஞ்ஞானிகளே.... நீங்கள் எவ்ளோ சுயநலவாதிகள் என்பதை நீங்கள் என்றைக்காவது உணர்ந்துல்லீர்களா... நிச்சயமாக இல்லை.... சமுதாயத்தின் மீது அக்கறை உள்ளவர்கள் என்றல் நிச்சயம் நான் சொல்ல போகும் இந்த விஷயம் தெரிந்திருக்கும் .... உங்களுக்கு உங்கள் நாட்டில் மின்சாரம் இருந்தால் போதும் அதனால் நீங்க எந்த வழியை வேண்டுமானாலும் பயன்படுத்துவீர்கள்.... அதனால் சொந்த மக்களுக்கே பிரச்சனை ஏறப்பட்டலும் உங்களுக்கு கவலை இல்லை.. ஏன் என்றால் நீங்க பாதிக்கப்படுவதில்லை... எவனோ ஒருவன் பாதித்தால் நான் என்ன செய்வேன் என்றே மனோபாவமே நம்மில் பலருக்கு அதிகம்....

           என் வீட்டில் மின்சாரம் வருகிறதா அது போதும் எனக்கு... மற்றவன் செத்தால் என்ன பிழைத்தால் நமக்கு என்ன ??

      மொத்தமாக நம் பூமியில் உள்ள இயங்கும் அணுஉலைகள் இவ்வளவு என்று தெரியுமா .... 440 அணுஉலைகள்..... இவ்வளவு அனுளைகளிளிருந்து வெளியேற்றப்படும் அனுக்கழிவுகள் என்ன ஆகின்றன ??... யாரவது யோசித்ததுண்டா ??? நானும் யோசிக்க வில்லை... இந்த கூடங்குளம் பிரச்சனை வந்த உடனே நானும் இதை பற்றி யோசிக்க தொண்டன்கினேன்... அதிர்ச்சிகரமான சில விஷயங்கள் என் கண்ணில் பட்டது....

அது தான் சோமாலியா ... இந்த ஊரு பெயரை உச்சரித்தாலே பஞ்சதிர்க்கும், பசிக்கும் இரையாகி எலும்பும் தோலுமாக இருக்கும் மனிதர்களையே ஞாபக படுத்தும்...

இந்த ஊரை பற்றி நம்மில் பல பேருக்கு தெரியாத (சில உலக அரசுகளுக்கும் மட்டும் தெரிந்த) விஷயங்கள் இதோ... அணுஉலை கழிவுகள் உரிய முறையில் அழிக்கப்படுகின்றன என்று கூறுவது முற்றிலும் பொய்....உலகில் உள்ள அத்தனை அனுஉலை கழிவுகள் மொத்தமாக கொட்டும் குப்பைத்தொட்டி உலகில் ஒன்று உண்டு என்றால் அது சோமாலியா தான்

அங்கே தான் மொத்த கழிவுகளும் கொட்டப்படுகின்றன.... இதற்க்கு என்ன டா ஆதாரம் என்று நீங்கள் கேட்பது புரிகிறது... 2004 சுனாமி வந்ததே தெரியுமா ...அதில் அதிக சேதம் அடைந்த நாடுகளில் சொமளியாவும் ஒன்று .... அந்த மக்கள் நிவாரண பணிகளுக்கும் சென்ற ஊழியார்கள் யாருமே அவர்கள் பிணத்தை தொட கூட இல்லை ஏன் என்றால்... நம் உலக வல்லரசுகள் தங்கள் அனுக்கழிவுகள் கொட்டும் குப்பைதொட்டியாக வைத்து கொண்ட சோமாலியா கடல் சுனாமியால் பொங்கி எழுந்த போது அத்தனை கழிவுகளும் கண்டைனர்களில் மூலம் வெளியே அடித்து வரப்பட்டது... அந்த கண்டைனர்களில் இருந்து கதிர்வீச்சு அதிகமாக இருந்ததே இதற்க்கு காரணம்...

அந்த சோமாலியாவை மேலும் சீரழிக்க நம்ம ஊரும் தயாராகி வருகிறது.....

இப்போது சொல்லுங்கள் அணுஉலையை ஆதரிப்பவர்கள் சுயநலவாதிகளா ?? பொதுநலவாதிகளா ???

சிரியாவில் இன்னொரு இனப்படுகொலை

                                            

                  சிரியாவில் 47 பெண்கள்-குழந்தைகள் கழுத்து அறுத்து படுகொலை

இன்னொரு இனப்படுகொலை வேகமாக வளர்ச்சி பெற்று வருவது கண்கூடாக தெரிகிறது.... உலக நாடுகளே உங்களை மன்றாடி கேட்டுக்கொள்கின்றேன்.... தமிழர்களுக்கு இழக்கப்பட்ட கொடூரங்களை தான் இந்த உலக வல்லாதிக்க தேசங்களும் என் தேசமும் கை கட்டி வேடிக்கை பார்த்தது ... பாவம் 26 பெண்கள் மற்றும் 21 குழந்தைகள் கழுத்தை அறுத்தும், கத்தியால் குத்தியும் படுகொலை செய்யப்பட்டுள்ளனர். இதையாவது தடுத்து நிறுத்துங்கள்;.... தடுத்து நிறுத்தாட்டியும் பரவைல்லை... தயவு செய்து படுகொலைகளை செய்த அந்த நாட்டு ஆட்சியாளர்களை ஆதரிக்காதீர்கள்

எங்களை தான் மனிதர்களாகவே நினைக்கவில்லை (தமிழனாக பிறந்த பாவமோ என்னவோ) இவர்களையாவது காப்பாற்றுங்கள் .....
குழந்தைகள் கழுத்தை அறுத்து கொள்கின்றனர் ... அப்பாவி மழலைகள் உயிரை காப்பாற்றுங்கள்
இன்னொரு "இசைபிரியா"வின் கற்பபழிப்பை பார்க்க எனக்கு சக்தி இல்லை

                                                                                                                         சுமன் ராஜ்

நடுவண் அரசிற்கு சவுக்கடி ......

                                  

இந்திய நடுவண் அரசிற்கு ஜெயலலிதாவின் சவுக்கடி .......

ஜெனிவாவில் இலங்கை அரசுக்கு எதிராக அமெரிக்கா கொண்டுவந்திருக்கும் பிரேரணை தொடர்பில் கலந்தாலோசிப்பதற்கு நேரம் ஒதுக்குமாறு இந்திய தேசியப் பாதுகாப்பு ஆலோசகர் சிவ்சங்கர் மேனன் விடுத்த அவசர வேண்டுகோளை தமிழக முதலமைச்சர் செல்வி ஜெயலலிதா நேற்றுத் திட்டவட்டமாக நிராகரித்துவிட்டார்.

இலங்கை அரசுக்கு எதிரான பிரேரணையை ஆதரிக்குமாறு தமிழ்நாட்டில் ஏகோபித்த குரலில் அரசியல் கட்சிகள் வலியுறுத்திவரும் தற்போதைய சூழ்நிலையில், சிவ்சங்கர் மேனனை சந்திக்க ஜெயலலிதா மறுத்திருப்பது மத்திய காங்கிரஸ் அரசுக்குப் பெரும் அதிர்ச்சியை ஏற்படுத்தியிருக்கிறது.

"ஜெயலலிதாவை சந்திப்பதற்குச் சிவ்சங்கர் மேனன் இரண்டு தடவைகள் சந்தர்ப்பம் கேட்டார். அவர் அவசரமாக சென்னை வருவதற்கும் ஏற்பாடானது. ஆனால், மத்திய அரசின் அமைச்சர்களுடனோ, உயர்மட்ட அதிகாரிகளுடனோ நேரடிப்பேச்சு நடத்துவதை முதல்வர் விரும்பவில்லை" என்று தமிழக அரசின் மூத்த அமைச்சர் ஒருவர் நேற்றிரவு உதயனிடம் தெரிவித்தார்.

"ஜெனிவாவில் இலங்கை விவகாரம் குறித்தும், அது தொடர்பான தமிழக மக்களின் உணர்வுகள் பற்றியும் விளக்கி அம்மா (ஜெயலலிதா) இரண்டு கடிதங்களை பிரதமர் மன்மோகனுக்கு அனுப்பினார். அந்த இரண்டு கடிதங்களுக்கும் உரிய பதில் அனுப்பப்படவில்லை. அவற்றை கிஞ்சித்தும் மத்திய அரசு கவனிக்கவில்லை. இந்த நிலையில், அதிகாரிகளைச் சந்திப்பது அர்த்தமற்ற செயல். இதனால்தான் மேனனின் கோரிக்கையை நிராகரித்தார் முதல்வர்" என்றும் அவர் குறிப்பிட்டார்.

இதற்கிடையில் தமிழக முதலமைச்சரின் இந்த நிராகரிப்பால் அதிர்ச்சியடைந்துள்ள மத்திய அரசு, மூத்த அமைச்சர் ஒருவரை தமிழ்நாட்டுக்கு அனுப்புவது குறித்து தீவிரமாக ஆராய்ந்ததாக அறியமுடிகின்றது.

செய்தி மற்றும் படங்கள் : George A Arul

சிறந்த சர்வதேச இளைஞன் விருது

                                
போர் குற்றவாளியான ராஜபக்சேவின் மகனான நமல் ராஜபக்சேவுக்கு சிறந்த சர்வதேச இளைஞன் விருது டெல்லியில் நடக்கும் ஒரு பத்திரிக்கை விழாழில் வழங்கப்படுகிறது.

அதற்காக டெல்லிக்கு வரும் ஜூனியர் ராஜபக்சேவுக்கு எதிராக தமிழ் அமைப்புகள் போராட்டம் நடத்தி விடக்கூடாது என அவருக்கு இசட் (Z ) பிரிவு பாதுகாப்பை இந்திய அரசு வழங்கியிருக்கிறது 

தமிழக அழுத்தங்கள், இந்தியாவின் சிறந்த முடிவுக்கு தாக்கத்தை ஏற்படுத்தாது

                                    

தமிழக அழுத்தங்கள், இந்தியாவின் சிறந்த முடிவுக்கு தாக்கத்தை ஏற்படுத்தாது --- பிரசாத் காரியவசம்

தெரியாம தான் கேக்குறேன் இந்த ஆளு

"இந்தியாவிற்கான இலங்கை தூதுவரா" 

இல்ல "இலங்கைக்கான இந்திய தூதுவரா "

"பிரபாகரன்" என்ற ஒற்றைச் சொல்லில்,.........

இன்று முகநூலில் தென்பட்ட தலைவர் பிரபாகரன் தொடர்பான கருத்துக்கள் இவை....ஒரு பெயர் ஒரு இனத்தை எப்படி இயக்குகிறது என்பதற்கு ஒரு சிறிய உதாரணம் இது..

தமிழச்சி (Tamizachi)
'பிரபாகரன்' என்னும் ஒரு சொல்லில் இருக்கிறது அரசியல்.

'அவர் இறந்து விட்டார்' என்னும் சிங்கள அரசும், 'உயிரோடு இருக்கிறார்' என தமிழ் தேசியவாதிகளும் சூளுரைக்கும் அசட்டுவாதங்களுக்கு முக்கியத்துவம் கொடுக்காமல் மக்கள் தலைவனுக்காக உலகம் முழுவதும் போராடிக் கொண்டிருக்கும் வல்லமையை பிரபாகரன் உருவாக்கி இருப்பதே தலைமையின் வலிமைக்கு உதாரணம்!

ஒரு தலைவனின் வெற்றியானது எத்தனை எதிரிகளை அழித்தான் என்பதல்ல. "எத்தனை மக்களை போராட வைத்தான்" என்பதிலிருக்கிறது.


Kumaran Kathirgamar

இத்தனை வருடப்போராட்டத்தை நடத்துவதற்கு பிரபாகரன் மேடைகளில் வந்து முழங்கியதும் இல்லை,வாக்குறுதிகளை அள்ளி வீசியதுமில்லை,ஆடு,மாடு,கோழி,பணம் என்று ஐந்தாண்டுக்கு ஒரு முறை பிச்சை எடுத்ததும் இல்லை.பிரபாகரன் என்கிற ஒருபிம்பம் தான்,கண்ணுக்கு தெரியாத நிழல் தான் எங்களை ஆட்சி செய்தது,

கடைசி சிங்களவன் எங்கள் மண்ணை விட்டு ஓடும்வரை நாங்கள் அடிபடுவோம்.அதுவரை பிரபாகரன் என்கிற ஒட்டுமொத்த தமிழர்களின் ஒரே தலைமை படைநடத்தும்.

தமிழகத்திலும் சரி,புலம்பெயர் நாடுகளிலும் சரி,தேசியத்தலைவரை பார்க்காமல்,அவரை ஒருநாள் பார்ப்போம் என்பதற்காகவே எந்த வகையான போராட்டத்துக்கும் தயாராக ஆயிரக்கணக்கான இளைஞர்களை ஆக்கி வைத்திருப்பது அந்தப்பெயர் மட்டும் தான்.அது போதும்.அது வழிநடத்தும்,அது படை நடத்தும்.முற்றுகையை உடைத்து வெளிவரத்தான் பிரபாகரன் எங்களுக்கு பயிற்றுவித்துள்ளான்;உள்ளிருந்து அழுவதற்கல்ல.இப்போதும் இந்த முற்றுகையை உடைப்போம்.



Cartoonist Bala

இருந்தாலும்.. இல்லாவிட்டாலும்...
"பிரபாகரன்" என்ற ஒற்றைச் சொல்லில் தமிழர்களின் எழுச்சி அடங்கியிருக்கிறது.


Xavier Jeen 

"தமிழ்" - க்கு அடுத்தபடியாக உலகத் தமிழினத்தை இணைக்கும் சொல் "பிரபாகரன்".

 

Parani Krishnarajani

தனி மனித வழிபாடு – தனிமனித அரசியல் என்பவற்றிற்கும் அப்பால் பிரபாகரன் என்ற பெயர் தமிழ்ச் சமூகத்தில் ஏற்படுத்தியிருக்கும் அதிர்வுகளை ஈழப்பிரச்சினையை கையாளும் வெளித்தரப்பு புரிந்து கொள்வது அவசியம்

ஈழத்தின் கடைசித் தமிழ் மன்னன்

                                              

                                      ஈழத்தின் கடைசித் தமிழ் மன்னனின் நினைவு நிகழ்வு!

கண்டியை தனது இராசதானியாகக் கொண்டு ஆட்சி செய்த ஈழத்தின் கடைசித் தமிழ் மன்னனான கண்ணுச்சாமியின் 181ஆவது ஆண்டு நினைவு நிகழ்வு தமிழகம் வேலூரில் இடம்பெற்றுள்ளது.


சிங்களவர்களால் காட்டிக் கொடுக்கப்பட்டு 10.02.1815 அன்று பிரித்தானிய ஏகாதிபத்தியவாதிகளால் சிறைப்பிடிக்கப்பட்ட தமிழ் மன்னன் கண்ணுச்சாமி 30.01.1832 அன்று தமிழகம் வேலூர் சிறையில் சுகவீனமுற்று சாவடைந்தார்.

இவ் ஈழத்தமிழ் மன்னனின் 181ஆம் ஆண்டு நினைவு நிகழ்வு வேலூரில் அமைந்திருக்கும் அவரது நினைவாலயத்தில் கடந்த 30.01.2012 அன்று அவரது உறவினர்களால் நினைவுகூரப்பட்டது.

1739ஆம் ஆண்டிலிருந்து கண்டி இராசதானியை ஆட்சி செய்த நான்கு தமிழ் மன்னர்களில் கடைசி மன்னனாக விளங்கிய கண்ணுச்சாமி அவர்கள் மதுரை நாயக்க வம்சத்தின் தமிழ்வழித் தோன்றல்களில் ஒருவர் ஆவார்.



18ஆம் நூற்றாண்டின் இறுதியிலும், 19ஆம் நூற்றாண்டின் ஆரம்பத்திலும் ஆங்கிலேயர்களின் ஏகாதிபத்தியத்திற்கு எதிராகப் போராடிய வன்னி மன்னன் பண்டாரவன்னியனுடனும், தமிழகத்தைச் சேர்ந்த வீரபாண்டிய கட்டப்பொம்மனுடனும் இவர் நல்லுறவைப் பேணி வந்தமைக்கான வரலாற்றுப் பதிவுகள் உள்ளன.

சிறீவிக்கிரம ராஜசிங்கன் என்ற முடிப்பெயருடன் கண்டியை ஆட்சிசெய்த இத் தமிழ் மன்னனின் கொடியை 1945ஆம் ஆண்டு தமது தேசிய கொடியாக வரித்துக் கொண்ட சிங்கள அதிகார வர்க்கம், 1951ஆம் ஆண்டு அக்கொடியின் நான்கு முனைகளிலும் காணப்பட்ட கூர்முனைகளுக்குப் பதிலாக பௌத்த மேலாதிக்கத்தை நிலைப்படுத்தும் அரசமர இலைகளைப் பொறித்துக் கொண்டது.
இம்மன்னனினதும், இவரது மூதாதையர்களினதும் ஆட்சியில் கண்டி இராசதானியின் அதிகாரபூர்வ மொழியாகத் தமிழ் மொழி விளங்கியிருந்தது.

ஈழத்தீவிற்கு இன்று சிங்களம் ஏகபோக உரிமை கோருகின்ற பொழுதும், மேலைத்தேய ஆக்கிரமிப்பு நிகழ்ந்தேறும் வரை ஈழத்தீவை – சிங்களப் பிரதேசங்கள் உட்பட – ஆட்சி செய்தவர்களாக தமிழர்களே திகழ்ந்துள்ளமை குறிப்பிடத்தக்கது.

இந்தியாவின் நம்பிக்கை துரோகத்தால் சாகடிக்கப்பட்டவர்கள்.

   
திருடன் போலீஸ் விளையாண்ட சிறுவர்கள் ராணுவத்தால் சுட்டுக் கொல்லப்பட்டனர்.

அப்பா அம்மா விளையாட்டு என்றால் என்னவென்றே அறியாமல் விளையாண்ட சிறுமிகள் பாலியல் பலாத்காரம் செய்து கொல்லப்பட்டனர்.

கணவனோட பகிர்ந்து கொண்ட சுகத்தை காம வெரியங்கள் பகிர்ந்துகொண்டதால் தற்கொலை செய்துகொண்ட பெண்கள்.

குழந்தைகள் மார்புதைக்கும் பொது சுகமாக எண்ணி பொறுத்துக்கொண்ட தாயின் மார்பில் மிதித்து கொள்ளப்பட்டனர்.

போர்க்களத்தில் கூட புறமுதுகு கட்டாத ஆண்மகங்களை கை கால்கள் கட்டப்பட்ட நிலையில் சுட்டுக் கொல்லப்பட்டனர்.

இவர்கள் இலங்கையின் இனவெறியால் கொல்லப்பட்டவர்கள் அல்ல இந்தியாவின் நம்பிக்கை தொரோகத்தால் சாகடிக்கப்பட்டவர்கள். 

ஆண்மகன்

                           
                                                    ஆண்களின் பருவம்
           பாலன்,                1 வயதுமுதல் 7 வயதிற்குட்பட்ட ஆண் (Balan, 1-7 years).
           மீளி,                     8 வயதுமுதல் 10 வயதிற்குட்பட்ட ஆண் (Meeli, 8 - 10 years).
           மறவோன்,         11 வயது முதல் 14 வயதிற்குட்பட்ட ஆண் (Maravon, 11 to 14 years)
           திறவோன்,         15 வயது (Thiravon, 15 years)
           விடலை,            16 வயது (Vidalai, 16 years).
           காளை                 17 வயது முதல் 30 வயதிற்குட்பட்ட ஆண் (Kalai, 17 to 30 years )
           முதுமகன்,          30 வயதுக்கு மேல் (Mudhumagan, after 30 years)

Tamil Literature Reference:

‘காட்டிய முறையே நாட்டிய ஆண்பாற்கு
எல்லையும் பெயரும் இயல்புற ஆய்ந்து
சொல்லிய தொன்னெறிப் புலவரும் உளரே.’
’’ 228
‘பாலன் யாண்டே ஏழ்என மொழிப.’
’’ 229
‘மீளி யாண்டே பத்துஇயை காறும்.’
’’ 230

‘மறவோன் யாண்டே பதினான் காகும்.’
’’ 231

‘திறலோன் யாண்டே பதினைந்து ஆகும்.’
’’ 232

‘பதினாறு எல்லை காளைக்கு யாண்டே.’
’’ 233

‘அத்திறம் இறந்த முப்பதின் காறும்
விடலைக்கு ஆகும்; மிகினே முதுமகன்.’
’’ 234

‘நீடிய நாற்பத் தெட்டின் அளவும்
ஆடவர்க்கு உலாப்புறம் உரித்து என மொழிப.’
’’ 235உங்களுக்குத் தெரியுமா?
 இவற்றை உங்கள் நண்பர்களுடன் பகிர்ந்துகொள்ளுங்கள். நன்றி. 

சாகா வரம் பெற்ற இந்தப் பனைமரங்கள்

                                     
          இதுதான் பனங்கிழங்கு! ஒரு பத்துக் கிழங்கை வேகவைத்துச் சாப்பிட்டால் அது ஒருநேர             உணவுக்கு ஈடாகும்.

பனங்கிழங்கு மட்டுமல்ல. நுங்கு , பனம்பழம், பதனீர், கள்ளு, கற்கண்டு, கருப்பட்டி, இன்னும் அதிலிருந்து தயாரிக்கப்படும் பலவகை உணவுப்பொருட்கள் என ஒரு உணவுத் தொழிற்சாலையே அதில் அடங்கியுள்ளது. தவிர பனையில் பயன்படாத பகுதி எதுவும் இல்லை! 

நமது நாட்டில் பாசனவசதி இல்லாத நிலங்கள், பயனற்ற மேட்டுப்பகுதிகள், சாலையோரங்கள், ஏரி குளங்களின் கரைகள், கடற்கரை சார்ந்த பகுதிகள். இன்னும் வேறு பயிர் செய்ய இயலாத பாழ்நிலங்கள் போன்ற இடங்களில் மட்டும் எந்த வரட்சியிலும் சாகா வரம் பெற்ற இந்தப் பனைமரங்கள் நிறைந்திருப்பது உண்மையானால் நமது உணவுத் தேவையில் பாதியை இதுவே நிறைவு செய்யும் என்று நம்புகிறேன்.

ஆனால் இருப்பதையும் அழித்தொழிப்பதை அனுமதிக்கும் அரசுகளை என்ன செய்வது?

ஒரு சென்ட் ஒரு லட்சத்துக்கு விலைபோகும் என்ற கனவில் நிலமனைத்தையும் வீட்டுமனைகளாகவே விற்கும் கனவில் இருப்பவர்களை என்ன செய்வது?
பொன்முட்டையிடும் வாத்தின் வயிற்றைக் கிழிப்பதிலேயே குறியாக இருக்கும் இந்தப் பாழாய்ப்போன பொருளாதாரத்தை என்ன செய்வது 

கலை பயணம்.

   

Sundar Raman
கலை பொக்கிஷத்தை பாதுகாக்க ஒரு பயணம்.. 

ஆயிரக்கணக்கான நம் முன்னோர்கள் சேர்ந்து, நமக்காக கட்டிகொடுத்த கோவில். இதில் அதிக உழைப்பு, அயரில்லா தொண்டு, தெவிட்டாத கலைநயம் போன்ற அதனை சிறப்பம்சம் பொருந்திய பண்டைய கால பொக்கிஷம். நம் முன்னோர்கள் இதற்க்கு உழைத்த உழைப்பை விட நாம் காப்பாற்ற தேவைப்படும் உழைப்பு சிறிது தான். 

சோழர்களைப் பற்றி நாம் படித்த பல தகவல்கள் அனைத்தும், நம் மெய்சிலிர்த்துப் போனவயாய் இருந்துள்ளது. அப்படிப்பட்ட வம்சத்தில் வந்த மன்னன் கட்டிய செஞ்சி அருகில் உள்ள " தேவனூர் மகாதேவர் "
கோயில் இன்றைக்கு இப்படியொரு நிலையில் உள்ளது!. சென்ற வாரம் நாங்கள் இந்த இடத்தை சென்று பார்வையிட்டு அதிகாரிகளிடம் அனுமதி வாங்கி இதை சுத்தம் செய்ய தீர்மானித்தோம்.  அதற்க்கான முதற்கட்ட பணிகளை வரும் 17 மற்றும் 18 ஆம் தேதி தொடங்குகிறோம். தங்குவதற்கு, சாப்பாட்டிற்கு ஊரிலேயே ஏற்பாடு செய்து தருவதாக ஊர் தலைவர் உறுதி அளித்துள்ளார்.இதை அனைத்தும் எங்கள் அலுவலக வேலை செய்தது போக ,எங்களுக்கு கிடைக்கும் ஒய்வு நாட்களில் !அன்புள்ளம் கொண்ட உங்களில் யாரேனும் இதில் கலந்து கொள்ள வேண்டும் என்று நினைத்தால் உங்களுடைய தொலைபேசி என்னை தெரியப்படுத்துங்கள், நாங்களே உங்களை தொடர்பு கொள்கிறோம்.

   


நம்மை விட குறைந்த பொருளுதவியும், வசதிகளும், தொழில்நுட்பமே இருந்தாலும், நம்மை விட அதிக கவனம் செலுத்தி இது போன்ற கலை பொக்கிஷங்களை எழுப்பியுள்ளனர்.இது நம் முன்னோர்கள் நமக்கு விட்டுச்சென்ற சொத்து, இதை அடுத்த தலைமுறையினரிடம் ஒப்படைப்பது தமிழர்களாகிய நம் ஒவ்வொருவருடைய கடமை. ஒரு கல்லை சீர்செய்தாலும் அது நமது முக்திக்கு படியாக அமைந்து அந்த இறைவனிடம் நம்மை அழைத்துசெல்லும். மீண்டும் இது பழைய கம்பீரமான அழகை பெற்று காட்சியளிக்க உங்களுக்கு ஆசையாய் இல்லை 

யா ? இதை விட நம் முன்னோர்களுக்கு நாம் செய்யும் கைம்மாறு வேறு என்னவாக இருக்க முடியும் ?

தேவனூர் இருக்கும் இடம் பற்றிய சிறிய வரைபடம் இதில் இணைத்துள்ளேன்
                                             

ஐரோப்பாவில் நூறு வருட பழமை வாய்ந்த தேவாலயங்களைக் கூட தூசி படாமல் பொத்திபொத்தி பார்த்துக்கொண்டிருக்கும் வேலையில் ,அந்த தூண்களில் உள்ள கலைநயத்தை பாருங்கள் வருடங்களைக்கடந்தாலும் அதன் அழகை அப்படியே வைத்திருக்கும் இடத்தின் இன்றைய அவலமான நிலை " செஞ்சி" அருகே உள்ள " தேவனூர் மகாதேவர் கோயில் " , நேற்றைக்கு உங்கள் பகுதியில் இதுபோன்ற ஏதாவது இருந்தால் புகைப்படங்களை அனுப்புங்கள் என நான் கூறி இருந்ததை பார்த்த ஒரு நண்பர் என் மின்னஞ்சலுக்கு அனுப்பினார் , இதற்கு தீர்வாக என் நண்பர்கள் அனைவரும் , அடுத்த வாரம் இந்த இடத்திற்கு சென்று பார்வை இட திட்டமிட்டுள்ளோம், இதை சுத்தப்படுத்த என்னென்ன பொருட்கள் தேவை ?, எத்தனை நாட்கள் தேவை ?, ஊரில் உதவுவதற்கு யார் உள்ளார்கள் ? உணவு, குடிநீர், போன்ற விடயங்களை ஆராய திட்டமிட்டுள்ளோம் ! அனைத்து ஏற்பாடுகளும் முடிந்ததும் அதன் மறுவாரமே சென்று சுத்தப்படுத்தி அந்த கிராமத்தினருக்கு இதன் அருமைகளை உணர்த்தி மீண்டும் அவர்களிடம் ஒப்படைக்க உள்ளோம் என்பதை மகிழ்சியுடன் தெரிவித்துக்கொள்கிறேன் ! விரைவில் இதன் புதுப்பிக்கப்பட்ட படம் இதே முகநூளில் வெளியிடுகிறோம் ! . நன்றி!.

 —

கலை பயணம்.

              

Sundar Raman

கலை பொக்கிஷத்தை காக்கும் கலை பயணம்.


நம் முன்னோர்கள் விட்டு சென்ற கலை பொக்கிஷம் அழிவதை கண்டு, இதுவரை வருத்தம் மட்டும் தெரிவித்த நாம், இன்று அதை காக்கும் பொருட்டு எடுத்து வைக்கும் முதல் அடி...


இடம்: தேவனூர், செஞ்சி அருகில், மேல்மலையனுருக்கு மிக அருகில்.நாள்: பங்குனி 4 மற்றும் 5 (17, 18 - மார்ச்)

தேவனூர் குறிப்பு:

வரலாற்று அறிஞர்களின் கூற்றுப்படி தென்னிந்தியாவின் மிகப்பெரிய சாம்ராஜ்யங்களில் ஒன்றாக செஞ்சிக்கோட்டை இருந்துள்ளது. இதன் ஆளுகையின் கீழ் இருந்த தேவனூரில் திருநாகேஸ்வரர் சிவன் கோவில் உள்ளது. பிற்கால சோழர்கள் சிறப்பாக கட்டிய இந்த கோவிலை பின்னர் ஆட்சி செய்த பாண்டிய, விஜயநகர, நாயக்க மன்னர்களும் தொடர்ந்து பராமரித்து வந்தனர். இந்த கோவிலுக்காக ஏராளமான நிலம், பசு, காளைகளை தானமாக வழங்கியது கல்வெட்டுக்களில் குறிப்பிடப்பட்டுள்ளன. சிவபெருமானை தேவனாக குறிப்பிட்டு இங்கு சிவன் கோவில் இருந்ததால் தேவனூர் என்று அழைத்துள்ளனர். 17ம் நூற்றாண்டு வரை இந்த கோவில் மிக சீரோடும் சிறப்போடும் இருந்துள்ளது.இதன் பிறகு செஞ்சியை ஆண்ட ராஜா தேசிங்கிற்கும், ஆற்காடு நாவாப்பிற்கும் ஏற்பட்ட உக்கிரமான போரின் போது ஆற்காடு நவாப்பின் பெரும் படையினர் இந்த கோவில் மீது பீரங்கி தாக்குதல் நடத்தி கொள்ளையடித்து சென்றனர்.

இதில் சிதிலமடைந்த கோவில் பின்னர் புதுப்பிக்கப்படாமல் பாழடைந்த நிலையில் உள்ளது. தற்போது, முகநூல் நண்பர்கள் துணை கொண்டு இந்த வரலாற்று பெருமைமிக்க கோவிலை புதுப்பிக்க முயற்சி செய்து, இதோ நாளை முதல் கட்ட வேலைகளை ஆரம்பிக்க உள்ளோம்.

ஏற்கனவே விருப்பம் உள்ள நண்பர்கள் அலைபேசியில் தொடர்பு கொண்டு, தங்களது வருகையை பதிவு செய்தனர். மேலும் மற்ற நண்பர்கள் விருப்பத்தின்பேரில் தங்களை இந்த பணியில் இணைத்துக்கொள்ளலாம்.

தேவனூர் கோவிலுக்கு வர விருப்பம் தெரிவித்துள்ளவர்களும், வர விரும்புவர்களும் முன்பே தொடர்பு கொண்டு உறுதி படுத்தினால் உணவு மற்றும் தங்குவதற்கான ஏற்பாடு செய்ய வசதியாக இருக்கும். தொடர்புக்கான எண்கள் 98409 56955 , 90030 29459 , 95007 86979.

இதில் ஒரே ஒரு பெருமை என்னவென்றால், இதை கட்டிய சோழன் எந்த கலை நயத்துடன் கோவிலை கண்டானோ, அதே பார்வையுடன் இன்று நாம்!...

உங்கள் கையில்!

                            

Sasi Dharan

நீ எந்த மாற்றத்தை விரும்புகிறாயோ, அதை உன்னிலிருந்து தொடங்கு - மகாத்மா காந்தி !


இதோ நாங்கள் காண விரும்பிய மாற்றத்திற்கான முதல் படியை நாளை எடுத்து வைக்கிறோம் ! வெறும் முகநூலை வைத்து என்ன செய்ய முடியும் ? என சிந்தித்த பலருக்கு, இதை வைத்தும் மக்களை ஒன்றிணைத்து எதையும் செய்யலாம் என காட்டப்போகும் முதல் அனுபவம் ! தினம், தினம் ஆயிரம் புதிய தொழில்நுட்பங்கள் வந்தாலும், பழங்காலத்தில் செய்த ஒன்றைக்கூட நாம் இன்று செய்ய முடியாது என்பது மறுக்கமுடியாத உண்மை.அந்த வகையில் பல வரலாறுகளை தன்னுள் தாங்கிக்கொண்டு ஆயிரம், ஆயிரம் வருட பொக்கிஷங்களாக கவனிப்பாறற்று நின்றுகொண்டிருக்கும் கோயில்களை மீட்டுக்கும் பணியை முதலில் நாங்கள் தொடங்கவிருக்கிறோம்.

நாகரீகம்,பண்பாடு,மொழி என அனைத்தையும் இன்றைக்கு தொலைத்து, அதிலிருந்து மீண்டு வருவதற்கு வழி தெரியாமல் தவித்துக்கொண்டிருக்கும் தமிழ்நாடு, இன்றைக்கு நாங்கள் ஆயிரம்,ஆயிரம் வருடம் பழமையானவர்கள் என ஆதாரத்துடன் நாம் கை நீட்டி காட்டக்கூடிய ஒன்றே ஒன்று நம் பாரம்பரிய கலை பொக்கிஷங்களான கோயில்கள். ஆனால், இன்றைக்கு அதுவும் சிதையத்தொடங்கிவிட்டது, இதை மத ரீதியாக அணுகாமல் , நம் கலை ரீதியாக அணுகலாம் என தோன்றியது. அதற்க்கான ஆயத்தப்பணிகளை நாளைக்கு தொடங்குகிறோம், இதை இந்த ஒன்றோடு நிறுத்திவிடாமல் மரம் நடுதல்,சீமக்கருவேலமரம் வெட்டுதல் போன்றவற்றையும் தொடரவிருக்கிறோம். இது அத்தனையும் இதுவரை நேரில் சந்திக்காத முக நூல் நண்பர்களை இணைத்ததே !
                        
வார நாள் முழுவதும் வேலை செய்து களைத்துப்போய் ஒரு நாளேனும் மனைவி மக்களுடன் சந்தோஷமாக இருக்க வேண்டும் என்று எண்ணும் சராசரி மனிதனாய் வாழாமல், தான் பிறந்த ஊருக்கு ஏதாவது செய்ய வேண்டும் என்று என்னுடன் களமிறங்கி உள்ள திருமணமான நண்பர்களுக்கு கண்கள் கலங்கி இந்த நேரத்தில் நன்றிகளை தெறிவித்துக்கொள்கிறேன். இதுவரை என் முகத்தை கூட பார்க்காத பலர் வெளிநாடுகளில் இருந்தும் கூட என்னை அலைபேசியில் தொடர்புகொண்டு வாழ்த்தியது மட்டுமலாமல், தங்களால் இயன்ற உதவியை செய்கிறேன் என கூறிய போது இந்த பிறவிப்பலனை அடைந்தேன். அவர்களுக்கும் என் நெஞ்சார்ந்த நன்றிகள்! மேலும், வரலாற்றை புத்தகத்தில் படிப்பதோடு மட்டுமல்லாமல் அதை புணரமைக்க விரும்பும் நமது கல்லூரி தோழர்களுக்கும் நன்றிகள் பல! உங்கள் ஊரில் எதாவது செய்ய வேண்டுமா என ஒருமுறை நான் கூறி இருந்ததை பார்த்து தங்கள் ஊர் சுத்தமடைய வேண்டும் என்ற ஆர்வத்துடன் முதன் முதலில் எனக்கு தங்கள் ஊரில் சிதைந்து கிடக்கும் வரலாற்று பொக்கிஷத்தை மீட்டெடுக்க வேண்டும் என்று ஆதங்கத்துடன் மின்னஞ்சல் அனுப்பிய திரு " தமிழ்செல்வனுக்கும் " என் நன்றிகள்!

மாற்றத்திற்கான முதல் விதையை நாங்கள் இங்கே விதைக்கிறோம், அதை முளைக்க வைத்து விழுதுகள் பரப்பி ஆலமரமாக்குவதும், மண்ணோடு மண்ணாக மட்கச்செய்வதும் மறத்தமிழ் நண்பர்களாகிய உங்கள் கையில்!

வில்லில் இசை

                         

அரிசியின் வழி பாட்டுடன் தொடங்கியது இந்த கலை .
தமிழன் வில்லால் உலகை வளைத்து மட்டுமல்லாமல்
வில்லில் இசையையும் வடித்துள்ளான் .
வில்லு பாட்டு -நம் மண்ணின் பெருமையை சொல்லும் பாட்டு .
வில்லு பாட்டு என்றே பெயர் .பாடல் ,உரையாடல் ,பழ மொழிகள் ,வசன கவிகள் (இபோது சிறிது ஆங்கிலமும் )என அனைத்தும் கலந்து விறுவிறுப்பை ஏற்றியது அந்த தருணத்தை .
கிராமத்து சொல் வழக்குடன் .அந்த கலைஞ்சர்களின் கணீர் குரல் , அதிரும் உடுக்கை ,அதிரவைக்கும் வில்லு குடத்தின் ஒலி..இவற்றுடன்
நெல் மணிக்காக உழைத்த நம் உழைப்பாளிகளின் களைப்பை நீக்கும் வில்லின் மணி ஒலிகள் .காற்றும் காத்திருக்கும் போல ...இந்த ஒலிகளை எபோது கடத்துவது என்று .
கைகளால் மட்டுமே ஆடக்கூடிய ஒரு நடனம் தெரிந்திருகிறது அவர்களுக்கு .அவர்களின் கைகள் ஒரு நடனம் ஆடுகிறது .அது அவர்கள் அந்த கலையுடன் கலந்து விட்டதை காட்டியது .கலையை தெய்வமாக பார்க்கும் இது போன்ற மனிதர்களை நேற்று நான் கண்டேன் . 

வில்லுடன் வந்த இவர்களின் சொல்லுடன் பிறபெடுதார் சாஸ்தா(சாஸ்தா கதை ).

 — 

இலங்கை தூதர் வெளியேற்றப்படுவார் - ஆஸ்திரேலிய செனட்டர் லீ ரைனான்

                      
 இலங்கைப் போர்க்குற்றம் - சுயாதீனமான விசாரணை தேவை அன்றேல் இலங்கை 

                 தூதர்   வெளியேற்றப்படுவார் - ஆஸ்திரேலிய செனட்டர் லீ ரைனான்  

புதிய காணொளியை வெளியிட்ட சனால் - 4 ன் புதிய ஆதாரங்கள் குறித்து ஆஸ்திரேலிய அரசின் செனட்டர் லீ ரைனான் செய்தியாளர்களிடம் கூறியவை,இலங்கையின் போர்க்குற்றம் குறித்து பிரிட்டன் தொலைக்காட்சி வெளியிட்ட 54 நிமிட மனித உரிமை மீறல் காட்சிகள் ஆஸ்திரேலிய அரசை உலுக்கி உள்ளது. விடுதலைப் புலிகளின் தலைவர் வே.பிரபாகரன் அவர்களின் புதல்வன் 12 வயது சிறுவன் பாலச்சந்திரன் மற்றும் உதவியாளர்கள் நால்வரும் சரணடைந்த வேளை, இலங்கை இராணுவத்தினால் ஆடை களையப்பட்டு, கைகள் கட்டப்பட்டு சுட்டுக் கொன்ற காட்சிகள் போர்க்குற்ற ஆவணமாக காட்டப்பட்டுள்ளன. மேலும் இந்தக் காட்சிகளை புதிய போர்க்குற்ற ஆவணங்களாக எடுத்துக் கொள்ளப்பட்டுள்ளன என்றார் லீ. மேலும் கூறுகையில், சமீபத்தில் வெளியிட்ட போர்க்குற்றம் இரண்டாவது பாகம் என்ற ஆவணத்தில்,

ஐ.நா.வின் உணவு வழங்கும் குழுவினர் மீதும் குண்டுகளை வீசி, கொன்றும் வலுக்கட்டாயமாக வெளியேற்றி இருக்கிறார்கள், அதோடு பாதுகாக்கப்பட்ட பாதுகாப்பு வலையம் என்று அறிவித்த பகுதிகளில் கொத்துக் குண்டுகளை வீசி அந்த வளையத்தில் இருந்த மக்களை அழித்துள்ளார்கள். இந்த செயல்களை செய்தவர்கள் அனைவரும் அதாவது போர்க்குற்றங்களை அரங்கேற்றியவர்கள் அனைவரும் இன்று இலங்கை அரசின் மிக உயர்ந்த பதவியில் அமர்ப்பட்டுள்ளனர் என்றார் லீ.

ஆஸ்திரேலியாவில் உள்ள இலங்கை தூதர் டி.எஸ்.ஜி.சமரசிங்கே கூறியது போல இலங்கை அரசே நடத்திய L L R C யின் விசாரணை அறிக்கை போதுமானதாக இல்லை அதாவது நேர்மையற்றவையாக உள்ளன. தற்பொழுது உலகில் இவர்கள் கூறுகின்ற இந்த அறிக்கை பொய்களையும் புனை சுருட்டுக்களையும் உள்ளடக்கியதாகவே உள்ளன. இந்த தருணத்தில் ஆஸ்திரேலியாவின் ஜில்லார்ட் அரசு உலக அரங்கிற்கு அழைப்பு விட வேண்டும், ஐ.நா.வின் நிபுணர் குழு, அம்னெஸ்டி இன்டர்நேஷனல், இன்டர்நேஷனல் கிரைசிஸ் குழு மற்றும் மனித உரிமை கண்காணிப்பு குழு போன்றவைகளை கொண்டு நேர்மையான சுதந்திரமான விசாரணை நடத்திட வேண்டிய தருணம் இது என்று கூறுகிறார் செனட்டர் லீ ரைனான்.

ஆஸ்திரேலியா அரசு உறுதியாக ஆதரிக்க வேண்டும் அமெரிக்க அரசு கொண்டு வரும் இலங்கைக்கு எதிரான தீர்மானத்தை, இந்த வார இறுதியில் நடைபெறும் மனித உரிமை அமைப்பில் கொண்டு வரப்படும் இந்த தீர்மானம் குறித்த ஆதரவு ஆஸ்திரேலியா அரசின் கடமைகளில் ஒன்று மேலும் சுயாதீனமான விசாரணைக்கு ஆதரவு வழங்குவதன் மூலம் வலியுறுத்துவதின் மூலம் அடுத்த கட்டத்திற்கு நகர்த்த முடியும்.
செனட்டர் லீ ரைனான் உறுதிபட கூறி வருகிறார் ஆஸ்திரேலிய பிரதமர் ஜில்லார்ட் இலங்கை அரசிடம் கூற வேண்டும் இவ்வாறு, இலங்கை அரசை கூப்பிட்டு அய்யா, உங்கள் தூதரை திரும்ப அழைத்துக் கொள்ளுங்கள், சுதந்திரமான நேர்மையான சர்வதேச விசாரணைக் குழு போர்க்குற்றங்கள் மற்றும் மனித உரிமைகள் குறித்து முழு விசாரணை அறிக்கை அளிக்கும் வரையில் உங்கள் தூதரை திரும்ப அழைத்துக் கொள்ளுங்கள் என்று கூற வேண்டும் என்று ஆஸ்திரேலியா பிரதமர் கூற வேண்டும் என்கிறார் லீ. இலங்கை அரசு இந்த உடன்பாட்டுக்கு, கோரிக்கையை ஏற்கவில்லையெனில் ஆஸ்திரேலியாவில் உள்ள இலங்கை தூதர் அட்மிரல் டி.எஸ்.ஜி.சமரசிங்கே அவர்களை உடனே வெளியேற்ற வேண்டும் என்று கூறியுள்ளார் செனட்டர் லீ ரைனான். 

இந்தியா காப்பாற்றுமா.....................?

         
             தெரியாமல் இராமர் தேரையைக் கொன்றார்! தெரிந்தே இந்தியா ஈழத் தமிழரைக் 
                                                      கொன்று குவித்தது! 
       இராமபிரான் ஆற்றில் நீராடுவதற்காகத் தன்னி டம் இருந்த அம்பை நிலத்தில் ஊன்றிவிட்டு நீரா டச் செல்கிறார். இராமர் அம்பை நிலத்தில் ஊன்றிய போது நிலத்தின் கீழ் இருந்த தேரையை அம்பு குத்தி விடுகிறது. நீராடிவிட்டு வந்த இராமர் நிலத்தில் தான் ஊன்றி வைத்த அம்பை இழுக்கிறார். அம்பின் நுனியில் குத்துண்ட தேரை துடிக்கிறது. நிலைமையைஅவதானித்த இராமர் ‘தேரையே நாம் அம்பை குத்தும் போது நீ கூப்பிட்டிருக்கலாம் அல்லவா? ’என்று கூறுகிறார்.

அம்பில் குத்துண்டு வலிதாங்க முடியாமல் துடிக்கும் தேரை இராமரை பார்த்து கூறுகின்றது. ‘இராமா! எனக்கு யார் துன்பம் செய்தாலும் நான் இராமா... இராமா... என்றுதான் உச்சாடனம் செய்வேன். அந்த இராமரே என்னைக் குத்தும் போது நான் யாரைக் கூப்பிடுவேன்.’ இவ்வாறு கூறியடியே தேரையின் உயிர் பிரிந்தது. இதுதான் ஈழத்தமிழர்களின் நிலையும். இலங்கை அரசுகள் தமிழ் மக்களுக்கு காலாகாலமாக பெரும் கொடுமைகள் செய்த போதெல்லாம் இந்தியா காப்பாற்றும் என்று இந்தியா... இந்தியா... என்று தமிழர்கள் உச்சாடனம் செய்தனர். ஆனால் அந்த இந்தியாவே ஈழத்தமிழர்களின் முதுகில் குத்தி சங்காரம் செய்துவிட்டது. என்ன செய்வது! இராமா... இராமா... என்று உச்சாடனம் செய்த தேரையை இராமர் அறியாமல் குத்தினார்.

ஆனால் இந்தியா... இந்தியா... என்று உச்சாடனம் செய்த தமிழர்களை இந்தியா திட்டமிட்டே கொன்றது. இப்போது கூட ஜெனிவாவில் இலங்கைக்கு எதிராகக் கொண்டு வரப்படும் தீர்மானத்தை எதிர்ப்பதே இந்தியாவின் நிலைப்பாடு. எனினும் தமிழ்த் தேசியக் கூட்டமைப்போ இப்போதும் இந்தியா... இந்தியா... என்று உச்சாடனம் செய்கிறது. ஐந்தறிவு படைத்த தேரையால் இராமரை புரிந்து கொள்ள முடியாமல் போயிருக்கலாம். ஆனால் ஆறறிவு படைத்த தமிழ்த் தேசியக் கூட் டமைப்பால் இன்னமும் இந்தியாவை புரிந்து கொள்ள முடியாமல் இருப்பது கொடுமையிலும் கொடுமை.

ஓ! இந்திய தேசமே! எங்கள் நாட்டை சிதைத்துவிட்டு! எங்கள் உயிர்களைப் பறித்துவிட்டு! எங்கள் வீட்டை உடைத்து விட்டு! எங்களுக்கு நீ வீடுகட்டி கொடுப்பதாக உன் பாராளுமன்றத்தில் தெரிவிப்பதை விடச் சின்னத்தனம் வேறு எதுவும் இல்லை. இறைவா! ஜெனிவா தீர்மானத்தை இந்தியா எதிர்த்தால், இந்தியா எங்களுக்கு வீடுகட்டித் தரத்தேவையில்லை என்று கூறும் சக்தியை எம்மவர்களுக்குத் தா அது போதும். 

வரலாற்று அதிசயம்! இலங்கைக்கு எதிராக ஒன்று சோ்ந்த தமிழகம்

                

வரலாற்று அதிசயம்! இலங்கைக்கு எதிராக ஒன்று சோ்ந்த தமிழகம்

இலங்கைக்கு எதிரான தீர்மானம் ஒன்றை ஐ.நா. மனித உரிமைகள் பேரவையில் அமெரிக்கா கொண்டுவந்துள்ளது. தமிழக அரசியலில் அதிசயத்தில் அதிசயமாக அத்தனை கட்சிகளும் இலங்கைக்கு எதிரான இந்தத் தீர்மானத்தை இந்தியா ஆதரிக்க வேண்டுமென்று ஒருமித்த குரலாக எதிரொலிக்கின்றன.

ஜெயலலிதா: (அதிமுக)
ஒரு குறிப்பிட்ட நாட்டின் மீது கொண்டு வரப்படும் தீர்மானத்துக்கு ஆதரவாக வாக்களித்து, அந்த நாட்டுக்கு எதிராக இந்தியா செயல்படாது’ என்பது போன்ற செய்திகள் ஊடகங்களில் வெளிவருகின்றன. இந்த நடவடிக்கை, இலங்கைக்கு நேரடியான ஆதரவை இந்தியா தருவது போலாகி விடும். இது ஏற்றுக்கொள்ள முடியாதது.

கருணாநிதி: ( திமுக)
இறுதிப் போரின்போது எடுக்கப்பட்ட காட்சிகளின் தொகுப்பை மத்தியில் ஆட்சியில் இருப்போர் ஒரு முறை பார்த்தாலே, தமிழக மக்கள் சார்பில் வைக்கப்படும் இந்தக் கோரிக்கையின் முக்கியத்துவத்தை உணர்ந்துகொள்ள முடியும்.

விஜயகாந்த்: (தேதிமுக)
அமெரிக்காவின் தீர்மானம் முழுஅளவுக்கு திருப்தி அளிக்கவில்லை என்றாலும், இதை நிறைவேற்றுவதன் மூலம் சிங்கள இனவெறி அரசை உலக அரங்கின் முன்பு குற்றவாளிக் கூண்டில் நிறுத்த முடியும். நடுநிலை வகிப்பதையோ, தீர்மானத்தில் கலந்துகொள்ளாமல் இருப்பதையோ இந்தியா மேற்கொண்டால் அது வன்மையாகக் கண்டிக்கத்தக்கது.


வைகோ: (மதிமுக)
இலங்கைக்கு ஆயுதங்களும், ஆயிரக்கணக்கான கோடிப் பணமும் அள்ளிக் கொடுத்து முப்படைத் தளபதிகளை அனுப்பியும் யுத்தத்தை நடத்தியது இந்தியா. இந்திய அரசின் துரோகம் அம்பலத்துக்கு வந்துவிட்டது. இதற்கு மேலும், ஐ.நா-வின் கவுன்சிலில் தமிழர்களுக்குத் துரோகம் விளைவித்தால், எந்தக் காலத்திலும் தமிழர்கள் மன்னிக்க மாட்டார்கள்.

ஜி.ராமகிருஷ்ணன் (மார்க்சிஸ்ட்) :
யுத்தம் முடிந்து இரண்டு ஆண்டுகளுக்கு மேலாகியும் மனித உரிமை மீறல் குற்றங்கள் தொடர்பாக எந்த நடவடிக்கையும் இலங்கை அரசு எடுக்கவில்லை. இதுபற்றி மத்திய அரசும் இலங்கையை நிர்ப்பந்திக்கவில்லை. மனித உரிமை மீறல்கள் மீது, நம்பகத்தன்மை வாய்ந்த சர்வதேசத் தரத்திலான விசாரணை நடத்தப்பட்டு, போர்க் குற்றவாளிகள் மீது உரிய நடவடிக்கை எடுக்கப்பட வேண்டும்.

ராமதாஸ்: (பாமக)
இலங்கைக்கு எதிரான அமெரிக்கத் தீர்மானத்தை ஆதரிக்கும்படி மத்திய அரசை வலியுறுத்தி தமிழக சட்டப் பேரவையில் தீர்மானம் நிறைவேற்ற வேண்டும்.

தா.பாண்டியன் (இந்திய கம்யூனிஸ்ட்):
இலங்கையின் குற்றத்தை மூடி மறைக்க மத்திய அரசு முயற்சிக்கிறது. மகிந்த ராஜபக்சவை இன அழிப்புப் போர்க் குற்றவாளியாக அறிவிக்க வேண்டும்.

திருமாவளவன்: (விடுதலைச்சிறுத்தைகள்)
மிகவும் நீர்த்துப்போன இந்தத் தீர்மானத்தைக்கூட இந்திய அரசு ஆதரிக்காமல், வழக்கம்போல சிங்கள இனவெறியர்களுக்குத் துணை போனால், அது கடும் கண்டனத்துக்கு உரியது.

ஞானதேசிகன் (காங்கிரஸ்):
இலங்கையில் கால் ஊன்றுவது குறித்து சீனா, பாகிஸ்தான் போன்ற நாடுகளோடு நடந்து வரும் போட்டி காரணமாகவே, இந்தத் தீர்மானத்தை, அமெரிக்கா கொண்டு வந்திருக்கிறது. இருந்தாலும், இலங்கையில் மிகப்பெரிய மனித உரிமை மீறல்கள் நடந்து இருக்கின்றன என்பதால், அமெரிக்கா தீர்மானத்துக்கு ஆதரவாக இந்தியா குரல் கொடுக்க வேண்டும்.

பழ.நெடுமாறன்: (தமிழர் இயக்கம்)
தமிழகத்தில் உள்ள அனைத்துக் கட்சித் தலைவர்களும் இந்தக் கோரிக்கையை வலியுறுத்தி இருக்கிறார்கள். ஒட்டுமொத்தமாக தமிழக மக்களின் இந்த வேண்டுகோளை ஏற்று, ஐ.நா. மனித உரிமைக் குழுவில் இந்தியா நடந்து கொள்ள வேண்டும்.

சீமான்: (நாம் தமிழர் கட்சி)
தீர்மானத்தை இந்தியா ஆதரிக்கத் தயங்குவதற்குக் காரணம்… ‘இந்தப் போரை நடத்தியதே நீங்கள்தானே?’ என்று ராஜபக்ச கேட்பார் என்பதுதான்.

பொன்.ராதாகிருஷ்ணன் (பி.ஜே.பி):
இலங்கையில் தமிழர்களுக்குச் செய்த துரோகங்களுக்கு, மத்திய காங்கிரஸ் – தி.மு.க. கூட்டணி உதவி செய்தது போலவே, ஐ.நா-விலும் உதவி செய்யும் என்று இலங்கை அரசு எதிர்பார்க்கிறது. இலங்கைக்கு ஆதரவு நிலையை மத்திய அரசு எடுத்தால், ஆதரவைத் திரும்பப் பெறுவோம் என்று தி.மு.க. அறிவிக்க வேண்டும்.

வேல்முருகன் (தமிழக வாழ்வுரிமைக் கட்சி):
இலங்கைக்கு ஆதரவாக இந்தியா செயல் பட்டால், அது இனத்துரோகம். எனவே, அமெரிக்க தீர்மானத்தை காங்கிரஸ் அரசு வழி மொழிய வேண்டும்.


இப்படி தமிழகத்தில் தேசிய, திராவிட, கம்யூனிஸ, தமிழினக் கட்சிகள் அனைத்தும் ஒன்றுபட்டுக் குரல் கொடுத்துள்ளது. 

                  சோனியாவும் மன்மோகனும் என்ன செய்யப்போகிறார்கள்?