முதல்வரிடம் இடிந்தகரை குழந்தைகள் மனு.....

மனசாட்சியுள்ள இதயங்களை இறுதியாக தட்டுகிறோம்! எங்களின் கூக்குரல் உங்கள் காதுகளில் விழுகிறதா?

குழந்தைகளின் வேண்டுகோள் :

போராட கற்றுத்தந்த அரசுக்கு நன்றி...

பாடப்புத்தகத்தை கையில் சுமந்து செல்லும் வயதில்.. இப்படி போராட்டத்திற்கான குறிப்பு புத்தகத்தை கையில் ஏந்த வைத்த அரசுக்கு நன்றி...

நீங்கள் சுதந்திரமாகவும்... சந்தோசமாகவும்...நோய் இல்லாமலும் அனுபவித்த.... அனுபவிக்க போகும் அந்த வாழ்க்கையை நாங்களும் அனுபவிக்க வேண்டாமா..???

எங்களிடமிருந்து இவை அனைத்தையும் பிடுங்கிவிட்டு நீங்கள் மட்டும் வாழ நினைப்பது எந்தவிதத்தில் நியாயம்...???

நாங்கள் சாதிக்க வேண்டிய சாதனைகள் எவ்வளவோ காத்திருக்கிறது....எங்களை மருத்துவ அறையில் அமர்த்திவிட்டு நீங்கள் ஆட்சி அறையிலும்... உங்கள் குழந்தைகளை பள்ளி அறையிலும் அமர்த்த நினைப்பது ஏந்த விதத்தில் நியாயம்...????

எங்கள் பார்வையின் அர்த்தம் இன்னுமா உங்களுக்கு புரியவில்லை??? அது சொல்லுமே ஆயிரம் அர்த்தங்கள்....

உங்கள் குழந்தைக்கு சிறிய பிரச்சினை என்றால் துடிக்கும் உங்கள் மனது.... நாங்கள் அனுபவிக்கபோகும் கஷ்டங்களை நினைத்து எங்கள் தாயும் துடித்துபோவாள் என்று ஏன் நீங்கள் நினைக்கவில்லை..???

உங்கள் குழந்தைகளை பெற்றெடுக்கும் போது நீங்கள் அடைந்த வலியைதானே... என்னை பெற்றவளும் அடைந்திருப்பாள்...

எங்களை தெய்வத்துடன் ஒப்பிட்டு பேசிய நீங்கள்... இப்போது எங்களை மனிதர்களாககூட பார்க்காதது ஏன்???

இறந்த பின்பு உடல் உறுப்புகள் தானம் செய்யசொல்லும் நீங்கள்... அணுக் கதிர்வீச்சினால் பாதிக்கப்பட்ட எங்கள் உறுப்புகளை நாங்கள் நினைத்தாலும் மற்றவருக்கு கொடுக்கமுடியாத நிலைமைக்கு எங்களை தள்ளிவிடாதீர்கள்....

தீ சுடும் என்று... அதில் கை வைத்ததினால் கற்றுக்கொண்டேன்... இனி அதில் ஒருபோது கை வைக்ககூடாது என்றும்... மற்றொன்றும் கற்றுக்கொண்டேன் இதை மற்றவருக்கும் கற்றுகொடுக்க வேண்டும் என்று...

அணுவின் பாதிப்புகள் பற்றி...எத்தனையோ எடுத்துக்காட்டுகளை சொல்லியும் நீங்கள் எதற்க்காக அதை ஏற்றுக்கொள்ள மறுக்குறீர்கள்...????

உங்கள் உடம்பில் வியர்வை துளிகள் வராமல் இருக்க... எங்கள் கண்களில் கண்ணீர் துளிகள் வர வேண்டுமா...????

நீங்கள் குளிர்க் காற்றை அனுபவிப்பதற்காக.... நாங்கள் குழிக்குள் போக வேண்டுமா....????

நீங்கள் தொலைக்காட்சியை பார்ப்பதற்கும்... தொலைபேசியியல் பேசுவதற்கும்... நாங்கள் தொலைந்து போக வேண்டுமா...???

சாப்பிடும் முன்பு கைகளை கழுவிய பின்பே சாப்பிட வேண்டும்... ஒவ்வொரு உணவிலும் ஒவ்வொரு சத்துக்கள் இருக்கிறது என்று சொல்லித்தந்த நீங்கள்.... அணுவிலிருந்து வரும் கதிர்வீச்சில் என்னென்ன சத்துக்கள் இருக்கிறது என்று உங்களால் சொல்லமுடியுமா.... ???? அப்படிப்பட்ட சத்துக்களை ஏற்றுக்கொள்ள நீங்கள் தயாரா...???

கூடங்குளம்

 கூடன்குள போராட்டத்தில் போலீஸாரின் கேவலமான செயலல் காவல்துறையினர் தடியடி மற்றும் கண்ணீர் புகை குண்டுகளை பொதுமக்கள் மீது வீசியதோடு இல்லாமல் பொதுமக்களின் காலணிகளையும், கற்களையும் மக்கள் மீது வீசியுள்ளனர்.இது தழிழக மற்றும் இந்திய ஆட்சியளர்களின் ஒழுங்கற்ற ஆட்சி தன்மையை காட்டுகிறது. 
                  

அரசன் அன்று கொல்வான் .தெய்வம் நின்று கொல்லும்.


                       

முற்றுகை நடைபெற்று கொண்டிருக்கும் போதே இடிந்தகரையில் போலீஸ் நுழைந்தது மேடையில் பெரியவர்களும் சிறுவர்களும் மட்டுமே இருந்தனர் இடிந்தகரையில் யாருமே இல்லாததால் அவர்களுடைய கட்டுபாட்டில் ஒவ்வொரு வீடாக சென்று சோதனை. மேரி மாதா ஆலயத்துக்குள் நுழைந்த போலிசார்... மாதா சிலையை உடைத்துவிட்டு..மாதாவினுடைய சேலையையும் உருவிசென்று உள்ளனர் அங்கே வைக்கப்பட்டிருந்த அணுஉலை எதிர்ப்பு பலகையை கிழித்துவிட்டு ஆலயத்துக்குள்ள

ேயே சிறுநீரும் கழித்துள்ளனர் பத்திரிகையாளர்கள் தாக்கப்பட்டுள்ளனர் பின் மக்கள் அனைவரும் முற்றுகை இடத்தில் இருந்து ஊருக்குள் வந்தஉடன் மக்களின் எதிர்ப்பு காரணமாக காவல்துறை வெளியேறினர் இப்போதய நிலைமை தண்ணீர் சுத்தமாக இல்லை பால் காய்கறி இல்லை மக்கள் பெரும் துன்பத்துக்கு ஆளாகிஉள்ளனர் சிறுவர்கள் பதட்டத்தில் உள்ளனர் எந்த நேரத்திலும் காவல்துறை ஊருக்குள் வரலாம்

KINGS LAND - SINGAM PARAI

சிங்கம் பாறை-தமிழர்நாடு Slideshow: 

Ramesh’s trip to KING'SLAND " SINGAMPARAI"  was created with TripAdvisor TripWow!

KINGS LAND - LION ROCK

சிங்கம் பாறை-தமிழர்நாடு Slideshow: Ramesh’s trip to சிங்கம் பாறை-தமிழர்நாடு (near Puvar, Kerala) was created with TripAdvisor TripWow!

TAMILSAHA

Tamilsaha Forever Slideshow: Ramesh’s trip to 3 cities including and Tiruchirappalli was created with TripAdvisor TripWow!

Tamilsaha Forever Slideshow Slideshow

Tamilsaha Forever Slideshow Slideshow:

TripAdvisor™ TripWow ★ Tamilsaha Forever Slideshow Slideshow ★
to KING'SLAND SINGAMPARAI
, SANKAR POLYTECHNIC COLLEGE (near Tuticorin) and Tiruchirappalli.

Stunning free travel slideshows on TripAdvisor

உயிர் நீயே ..........

                                    

வெற்றி

                          
"தோல்வியா யார் சொன்னது !ஆயிரக்கணக்கான பொருட்கள் பயன்படமாட்டா என்று கண்டிருக்கிறேனே . அது தான் வெற்றி ! " என்று தோல்விகளில் வெற்றி கண்ட எடிசன் 

****
மேதை எடிசனும், அகில விஞ்ஞானி, ஐன்ஸ்டைனைப் போல் மந்த புத்திச் சிறுவனாகத்தான் பள்ளிக் கூடத்தில் காட்சி அளித்திருக்கிறார்.

ஏழு வயதில் திடீரென எடிசனின் சிந்தனா சக்தி விரிந்து தூண்டப் பட்டது! சூழ்நிலைச் சாதனங்களின் மேல் ஆர்வம் மிகுந்து அடிப்படை ஆய்வுக் கேள்விகள் எழுந்தன. ஒன்பது வயதில் ரிச்சர்டு பார்க்கர் [Richard Parker] எழுதிய ‘இயற்கைச் சோதனை வேதம் ‘ [Natural & Experimental Philosophy] என்ற நூலைப் படித்து முடித்தார். பதிமூன்றாம் வயதில் தாமஸ் பெயின் [Thomas Paine] எழுதிய ஆக்க நூல்களையும், சிரமத்துடன் ஐஸக் நியூட்டன் இயற்றிய ‘கோட்பாடு ‘ [Principia] என்னும் நூலையும் ஆழ்ந்து படித்தார். தனது 21 ஆம் வயதில், மைகேல் ஃபாரடேயின் [Micheal Faraday] செய்தித்தாளில் இருந்த ‘மின்சக்தியின் பயிற்சி ஆராய்ச்சிகள் ‘ [Experimental Researches in Electricity] பகுதியை ஒருவரி விடாது ஆழ்ந்து படித்து முடித்தார். அந்த ஞானம் அவரது வாழ்க்கையில் ஒரு பெருத்த மாறுதலை உண்டாக்கியது! செய்கை முறையில், சோதனைகள் புரிந்து படைக்கும் திறனை எடிசனுக்கு அவை அடிப்படை ஆக்கின. கணிதப் படிப்பில் லாத எடிசன், விஞ்ஞான இயற்பாடு [Theory] எதுவும் முறையாகக் கற்காத எடிசன், சோதனைகள் மூலம் மட்டிலுமே திரும்பத் திரும்ப முயன்று, ஞான யுக்தியால் பல அரிய நூதனச் சாதனங்களைப் படைத்து உலகப் புகழ் பெற்றார்.

சிவில் உரிமைகளின் தாய்

                                 

வரலாற்றையே மாற்றிய ஒரு பேருந்து நிகழ்வு ! 


பெண்ணுக்கும், கரு நிறத்திற்கும் மதிப்பில்லாத காலம் அப்போது . வெள்ளையர்கள் ஏறி விட்டால், இருக்கையில் அமர்ந்துள்ள கறுப்பர்கள் அவர்களுக்கு எழுந்து இடம் தரவேண்டும்

. 1955களில் அமெரிக்காவில் இது நடந்தது.

ஒரு வெள்ளையர் பேருந்தில் ஏறியவுடன், கறுப்பர்கள் எழுந்துவிட்டனர். ஒர பெண் மட்டும் எழ மறுத்தார். “நீ எழ மறுத்தால், போலீசைக் கூப்பிடுவேன்” என்றார், ஓட்டுநர். “தாராளமாக செய்யுங்கள்” என்றார் அந்தப் பெண். போலீஸ் வந்தது. அந்தப் பெண்ணைக் கைது செய்தது.

உரிமைக்குக் குரல் கொடுத்த அந்தப் பெண்ணின் பெயர் தான் ரோசாபார்க்ஸ்.

இச்செய்தி கருப்பர்கள் நிறைந்த அந்தப் பகுதியில் கொந்தளிப்பை ஏற்படுத்த ,நீதி கிடைக்கும் வரை மாநகரப் பேருந்தில் ஏறுவதில்லை, பணிகளுக்கும் செல்வதில்லையென புறக்கணிப்பு போராட்டத்தை நிகழ்த்தினர் .

நிறைய மிரட்டல்களுக்கு மத்தியின் ரோசா தொடர்ந்து பொறுமையாக போராடியதால் சிவில் உரிமைச் சட்டம் இயற்றப்பட்டது. சிவில் உரிமைகளின் தாய் என அழைக்கப்படுகிறார்.

"அன்று அவர் எழ மறுத்ததால்தான், இன்று நாங்கள் எழுந்து நிற்கவும், தலை நிமிர்ந்து நடக்கவும் முடிகிறது" என்பது கருப்பினத்தவர்களின் கூற்று.

ஒருவர் நினைத்தால் சரித்திரத்தை மாற்றலாம் என்பதற்கு எடுத்துக்காட்டு இவர்.

ANTS

                           

           Ants, like many animals on the Gulf Coast of the USA, have had their ability to survive severely tested in the wake of Hurricane Isaac. In this picture they’re displaying their fascinating team work skills by creating a living life boat on top of the flood waters in Florida. Worker ants make up the bulk of the raft, helping to keep it afloat while continuing to care for the larvae of the colony. The queen ant is safely sheltered in the centre of the bundle, while soldier ants scurry across the top on lookout for potential dangers such as predators...

நாமும் பாராட்டுவோம்..!

                                        

நாமும் பாராட்டுவோம்..!

சென்னை எழிலகத்தில் கடந்த ஜனவரி மாதம் 16 - ம் தேதி அதிகாலை பெரிய அளவில் தீ விபத்து ஏற்பட்டதை யாரும் மறந்திருக்க முடியாது. அப்போது சென்னை மத்திய கோட்ட தீயணைப்பு அதிகாரி பிரியா ரவிச்சந்திரன் உள்ளே நுழைந்து கோப்புகளை பாதுகாக்க முயல, எதிர்பாராதவிதமாக தீயில் சிக்கி உடல் முழுவதும் பலத்த தீக்காயங்களுடன் உடன் இருந்த அதிகாரிகளால் காப்பாற்றப்பட்டார். இந்தியாவின் முதல் பெண் கோட்ட தீயணைப்பு அதிகாரியான இவர், இன்று வரை தீக்காயங்களுக்காக சிகிச்சை எடுத்து வருகிறார். இந்நிலையில் பிரியா ரவிச்சந்திரனின் வீர தீர செயலை பாராட்டி அவருக்கு ஜனாதிபதி விருது கொடுக்க மத்திய அரசு முடிவு செய்திருக்கிறது

                                                                                                                    ---#தமிழ் கருத்து களம்

'எச் ஐ வியை முழுமையாக குணமாக்கும் சாத்தியம்'

                                       

'எச் ஐ வியை முழுமையாக குணமாக்கும் சாத்தியம்'

எச் ஐ வி வைரஸை முழுமையாக குணப்படுத்தக்கூடிய சாத்தியப்பாட்டிற்கான முதல் படியை தாங்கள் எட்டியிருப்பதாக அமெரிக்க விஞ்ஞானிகள் அறிவித்திருக்கிறார்கள்.

எச் ஐ வி வைரஸானது மனித உடலுக்குள் புகுந்ததும் உ

டனடியாக தாக்குவதில்லை. மனித உடலில் சில செல்களுக்குள் புகுந்து கொண்டு செயற்படாமல் மறைந்து ஒளிந்து கொள்கிறது. இப்படியான நிலையில் இந்த எச் ஐ வி வைரஸானது பல ஆண்டுகள் மறைவாக இருக்க முடியும்.

இப்படி செல்களுக்குள் புகுந்து கொண்ட நிலையில் இருக்கும் எச் ஐ வி வைரஸை கண்டுபிடிக்கவே முடியாது. குறிப்பாக மனித உடலின் நோய் எதிர்ப்பு செல்களாலோ, எச் ஐ வி தொற்றுக்கு எதிரான ஆண்டிரெட்ரோ வைரல் மருந்துகளாலோ இப்படியான வைரஸை கண்டுபிடித்து தாக்க முடியாது. இதனால் தான் இன்று வரை எச் ஐ வி தொற்றை முழுமையாக அழிக்கக் கூடிய மருந்துகளை கண்டுபிடிக்க முடியாத நிலை நிலவுகிறது.

இப்படி மறைந்திருக்கும் எச்ஐ வி வைரஸ்கள் திடீரென்று ஒருநாள் தான் ஒளிந்து கொண்டிருக்கும் செல்லிலிருந்து வெளியே வந்து மனிதனை தாக்கத்துவங்கும் நிலை இருப்பதால் தான் இன்றுவரை எச் ஐ வி தொற்றை முழுமையாக குணப்படுத்த முடியாத நிலை நிலவுகிறது. இந்த நிலைமையை மாற்ற முடியும் என்கிறார்கள் அமெரிக்க விஞ்ஞானிகள்.

மறைந்திருக்கும் எச் ஐ வி வைரஸை பலவந்தமாக வெளியே கொண்டுவந்து, அதை தாக்கி அழிக்கமுடியும் என்று இந்த ஆய்வை மேற்கொண்ட விஞ்ஞானிகள் நேச்சர் என்கிறவிஞ்ஞான சஞ்சிகையில் தெரிவித்திருக்கிறார்கள்.

புற்றுநோய் மருந்து உதவும்

புற்றுநோய்க்கான மருந்தாக பயன்படுத்தப்படும் மருந்துகளில் ஒன்று ஒரினோஸ்டாட். இந்த மருந்தை எச் ஐ வி தொற்றுக்கு உள்ளானவர்களுக்கு கொடுப்பதன் மூலம், செல்களுக்குள் மறைந்திருக்கும் எச் ஐ வி வைரஸ் பலவந்தமாக அந்த செல்களில் இருந்து வெளியேற்றப்படுகிறது. இப்படி வெளியே வந்த செல்களைஆண்டி ரெட்ரோ வைரல் மருந்துகள் தாக்கி அழித்து விடுகின்றன.

இதற்கான முதற்கட்ட பரிசோதனைகள் எச் ஐ வி தொற்றுக்குள்ளான எட்டு பேரிடம் நடத்தப்பட்டன. இவர்களுக்கு ஒரே ஒருமுறை புற்றுநோய்க்கு எதிரான மருந்தான ஒரினோஸ்டாட் மருந்து அளிக்கப்பட்டதும், அவர்களின் உடலின் செல்களில் ஒளிந்திருந்த எச் ஐ வி வைரஸ்கள் எல்லாமே பலவந்தமாகவெளியே வந்தன. இந்த எதிர்வினை தங்களின் கண்டிபிடிப்பை உறுதி செய்திருப்பதாக கூறுகிறார் இந்த சோதனைகளை நடத்திய விஞ்ஞானிகள் குழுமத்தின் தலைமை விஞ்ஞானி டேவிட் மார்கோலிஸ்.

'ஆனால் நீண்ட காலம் பிடிக்கும் மறைந்திருக்கும் எச் ஐ வி வைரஸை குறிவைத்து தாக்கவும், காலப்போக்கில் அழிக்கவும் கூடிய வழிகளை நாம் கண்டறியத் துவங்கியிருக்கிறோம். இப்படி ஒரு மனிதனின் உடலில் மறைந்திருக்கும் எச் ஐ வி வைரஸ்கள் அனைத்தையும் நாம் அழித்துவிட்டோமானால், நாம் அந்த நபரை எச் ஐ வி வைரஸ் தொற்றிலிருந்து முழுமையாக குணப்படுத்திவிட்டோம் என்று கூறமுடியும்'' என்கிறார் டேவிட் மார்கோலிஸ்.

உலகம் முழுவதும் எச் ஐ வி வைரஸால் பாதிக்கப்பட்ட லட்சக்கணக்கானவர்களுக்கு இது மிகப்பெரிய நம்பிக்கையளிக்கும் செய்தி. எச் ஐ வி தொற்றுக்குள்ளானவர்களுக்குதற்போது அளிக்கப்படும் ஆண்டி ரெட்ரோவைரல் மருந்துகள் அவர்களின் தொற்றை கட்டுபடுத்தி அவர்களின் ஆயுளை நீட்டிக்க உதவுகின்றன. இதன் விளைவாக, எச் ஐ வி தொற்று ஏற்பட்டாலே உடனடி மரணம் என்கிற ஆரம்பகால ஆபத்து இப்போது இல்லை. இந்த பின்னணியில் இதைமுழுமையாக குணப்படுத்த முடியும் என்கிற நம்பிக்கையை இந்த குறிப்பிட்ட ஆய்வின் முடிவுகள் முதல்முறையாக உண்டாக்குவதாகவும், இது ஒருதிருப்புமுனையாக இருக்கலாம் என்றும் கூறுகிறார் மருத்துவர் டேவிட் மார்கோலிஸ்.

ஆனால் இவரது இந்த எதிர்பார்ப்புகள் உண்மையாக நடைமுறைக்கு வருவதற்கு பல ஆண்டுகள் பிடிக்கலாம். எச் ஐவி வைரஸை முழுமையாக அழித்து ஒழிக்கவல்ல நிலையை எட்டுவதற்கு மேலதிக ஆய்வுகள் தேவை. அதை மேற்கொள்வதற்கான ஊக்கத்தை இந்த ஆரம்பகட்ட முடிவுகள் அளித்திருக்கின்ற

ன.

உனக்காக ..............

                   

                                      விழி மூடினால் ஒளி தெரியாது........
                                      விடியல் காண விதியையும் வெல்ல 
                                      உன்னை நம்பு.... உலகை வெல்லு.......!

இதுவே அதிகம் சார் .....

                        

நம்ம மக்களுக்கு.... இதுவே அதிகம் சார் .....

நிங்க நல்

லா  கொள்ளை அடிங்க ......

இப்படிக்கு ராணுவவீரன்............

இந்தநாளிலாவது எங்களை கொஞ்சம் நினைத்து பாருங்கள்........
எங்களை பற்றியும், எங்கள் வீரத்தை பற்றியும் உங்கள் குழந்தைகளீடம் கூறுங்கள்...
                                                                                                                 - இப்படிக்கு ராணுவவீரன் ....

மறக்கபட்ட நட்சத்திர உழைப்பாளி

                         

‘நான் தப்புபன்னிட்டன். தெரியாம செய்திட்டன். மன்னிச்சுடு."- காமராஜர்

                    

தமிழால் இணைவோம்

     இது கட்டுக் கதையல்ல. கண்ணீரால் நிறைந்த நிஜம். நேற்று திருச்சி வேலுசாமி அவர்கள் எழுதிவரும் ஒரு புதிய புத்தகத்தை தொகுக்கும் வேலையில் இருந்தேன். அந்த காலம் இப்படியும் இருந்தது என உறக்கமின்றி தவித்தேன்...


“அப்போது காமராஜர் முதல்வர். பழைய சட்டமன்ற விடுதியில் மண்ணாங்கட்டி என்பவர் கீழ்மட்ட ஊழியராக இருந்தார். சட்டமன்ற ஊறப்பினர்கள் கேட்பதை வாங்கிவந்து தருவார். முதல் தளத்தில் முன்பாகவே இருக்கும் முக்கையா தேவர் அறையிலேயே இருப்பார். ஒருமுறை ‘ஏம்பா மண்ணாங்கட்டி அவசரமாக வெளியில போறன்.
குளிச்சு முடிச்சு ரெடியாகுறதுக்குள்ள இட்லிய வாங்கி வந்துடு’ என்று 100 -ருபாயை கொடுத்தார் முக்கையா தேவர். சொன்னபடியே அவர் ரெடியாகி காத்திருந்தார்.

ரொம்ப நேரம் ஓடியது. தலையில் சுமையுடன் தட்டுதடுமாறி வந்தார் மண்ணாங்கட்டி. பார்த்ததும் ’ஏன்யா. நான் அவசரமா வெளியில போகனும்னு காத்துகிட்டு இருக்கேன். இட்லி வாங்க இவ்வளவு நேரமா என்று எகிறினார் மாயாண்டி தேவர். மண்ணாங்கட்டிக்கு கோபம். என்னங்கய்யா நீங்க. இங்க ஆஸ்ட்ல அவ்வளவு இட்லி இல்லைன்னு சொல்லிட்டாங்க. மவுண்ட் ரோடெல்லாம் போய் அலைஞ்சு 100 ருபாக்கும் இட்லி வாங்குறது லேசுபட்ட காரியமா’என்று பதிலுக்கு சத்தம் போட்டார். அதுதான் மண்ணாங்கட்டி என்ற வெகுளி. அப்பாவி. அவ்வளவு வெள்ளந்தி....

அப்படியான மண்ணாங்கட்டியின் தலையில் ஒருநாள் இடி விழுந்தது. அந்த உத்தரவை படித்துகாட்டச்சொல்லி வீட்டில் அழுது புரண்டு கதறினார். ’அரசாங்க உத்தியோகத்தில் எழதப்படிக்கத் தெரியாதவர்கள் எல்லாம் இனி வேலையில் இருக்க கூடாது. பணியில் இருந்து நீக்கப்படுகிறார்கள்’ என்று காமராஜர் போட்ட உத்தரவுதான் அந்த கடிதம். இரண்டு நாள் கழித்து பழைய சட்டமன்ற உறுப்பினர் விடுதிக்கு ஓடிவந்தார். முக்கையா தேவரிடம் தரையில் விழுந்து கதறி அழுகிறார்.

என்னவென்று கேட்கிறார். ’இப்படி ஒரு உத்தரவு வந்திருக்கிறதே. என் குடும்பம் எல்லாம் நடுத்தெருவுக்கு வந்துடுச்சே. எப்படியாவது காப்பாத்துங்க ஐயா’ என்று பித்துப் பிடித்தவராக அழுகிறார். ஏதாவது சமாதானம் சொல்லனுமே என்று ’முதல்வர் ஆபிசுக்கு போன் போடுடா. கேட்டுடலாம்’ என்றார். அப்போது எல்லாம் நேரடியாக தொலைபேசும் வசதி இல்லை. ஆப்ரேட்டரிடம் கூறிவிட்டு காத்திருக்க வேண்டும். முதுல்வர் அலுவலகத்தில் யாராவது உதவியளர் எடுப்பார்கள்.

மண்ணாங்கட்டி புக்செய்த நேரம் உடனே தொடர்பு கிடைத்தது. மறுமுனையில் முதல்வர் காமராஜ். யார் நீங்கள் உங்களுக்கு என்ன வேண்டும் என்கிறார். அய்யா நான்தான் அசம்பிளி ஆஸ்டல் பியூன் மண்ணாங்கட்டி பேசுறங்க ஐயா என்றபடியே அருகில் இருந்த முக்கையா தேவரை பார்க்கிறார். அவருக்கு முதர்வர் அலுவலகத்தில் இருந்து
யாராவது உதவியாளர்கள்தான் டெலிபோனை எடுத்திருப்பார்கள் என்ற நினைப்பு. ‘எழுதப்படிக்க தெரியாதவங்க எல்லாம் முதல்வரா இருக்கறப்போ நான் பியூனா இருக்கக்கூடாதான்னு கேளுடா” என்கிறார்.

மறுமுனையில் இருந்த காமராஜரிடம் அதை அச்சுபிசகாமல் ‘ஐயா, எழுதப்படிக்க தெரியாதவங்க எல்லாம் முதல்வரா இருக்கிறப்போ நான் பியூனா இருக்ககூடாதான்னு’ தேவர் ஐயா கேட்க சொல்றாருங்க என்கிறார் மண்ணாங்கட்டி. பிறகு பேச்சில்லை....

அடுத்த 30 நிமிடத்தில் உயர் அதிகாரிகள் 3-பேர் அங்கே வந்துவிட்டார்கள். முதல்வருக்கு போன் செய்தது யார்? என்றார்கள். நான்தான் ஐயா என்று முன்னே வருகிறார் மண்ணாங்கட்டி. உங்களை கையோடு அழைத்துவரச் சொல்லியிருக்கிறார். உடனே புறப்படுங்கள் என்று நிற்கிறார்கள். அப்போதுதான் நாம் பேசியிருப்பது முதல்வரிடம்
என புரிகிறது. முக்கையா தேவருக்கும் பதட்டம். மண்ணாங்கட்டி ’ஐயா நீங்களும் வாங்க’ என்று அழுகிறார். பின்னாடியே வருகிறேன். நீ போப்பா என்று அனுப்பி வைக்கிறார். கோட்டையில் உள்ள முதல்வர் காமராஜை நோக்கி வாகனம் பறக்கிறது.

முதர்வரின் அறையில் உள்ள ஷோபாவில், கண்ணத்தில் கைவைத்தபடி கவலைதோய்ந்த முகத்தோடு உட்கார்ந்திருக்கிறார் காமராஜர். கதவு திறக்கப்படுகிறது. மண்ணாங்கட்டி முதலில் நுழைய அதிகாரிகள் சற்று ஒதுங்கி கதவோரம் நின்று கொண்டார்கள். நீங்கதான் மண்ணாங்கட்டியா...என்கிறார். ஆமாங்க ஐயா. நான்
தெரியாம பேசிட்டேன். என்னை மன்னிச்சுடுங்க ஐயா என்றபடியே கீழே விழுந்தார். அந்த கலாச்சாரம் காமராஜருக்கு பிடிக்காது. அதிகாரிகளை பார்க்க உடனே எழுப்பி நிற்க வைக்கிறார்கள். அவரை வா...வாண்னேன். வந்து பக்கதில உட்காருங்கன்னேன் என்றழைக்கிறார். மண்ணாங்கட்டி தயங்கி நிற்கிறார். காமராஜர் முறைக்க தயங்கி தயங்கி பக்கத்தில் சென்று உட்காருகிறார்.

மண்ணாங்கட்டியை முதுகில் தட்டிக்கொடுத்து முகத்தையே உற்றுப்பார்த்த முதல்வர் காமராஜ், பட்டென்று கையெடுத்து கும்பிட்டு ‘நான் தப்புபன்னிட்டன். தெரியாம செய்திட்டன். மன்னிச்சுடு. அந்த தவறை நீதான் புரியவைச்சே...ரெண்டு நாளா உங்கவீட்ல சோறுதண்ணியில்லியாமே.
சமைக்கலயாமே....உங்களுக்கு ரெண்டு பொம்பள புள்ளைங்க...எல்லாத்தையும் இப்பதான் தெரிஞ்சுகிட்டேன்..எவ்வளவு பெரிய தப்பு செய்திருக்கேன்.. நான் அப்படி ஒரு உத்தரவு போட்டிருக்ககூடாது. ‘இனிமே புதிதாக வேலைக்கு வருபவர்களுக்கு எழுத படிக்க தெரிந்திருக்க வேண்டும்’னு போட்டிருக்க வேண்டும். நான் செய்தது
தவறுதான் என்று தட்டிக்கொடுத்து ஆதறவு சொல்ல மண்ணாங்கட்டி கதறி அழுகிறார். காமராஜருக்கும் பேச்சு இல்லை...

அடுத்து அங்கேயே ஒரு உத்தரவு தயாராகிறது. காமராஜர் கையொப்பமிடுகிறார். மண்ணாங்கட்டிக்கு மீண்டும் அரசு வேலை. அதிகாரிகளை பார்த்து ‘இவரை அழைத்துக்கொண்டு போங்க. வேலை கொடுத்தாச்சு. இனி கவலைப்பாதீங்கன்னு அவரோட மனைவி, குழைந்தைங்ககிட்ட சொல்லுங்க’ன்னு அதிகார குரலில் உத்தரவிடுகிறார். பிறகென்ன நினைத்தாரோ சற்று தயங்கி ’போகிறபோது வெறும் கையோட போகாதீங்க. ஓட்டல்ல எல்லாருக்கும் சாப்பாடு வாங்கிட்டு போய் கொடுங்க. ரெண்டு நாளா அவர்கள் சாப்பிட்டிருக்க மாட்டர்கள்’ என கண்டிப்போடு கூறுகிறார் அந்த அதிகாரிகளிடம்.

மண்ணாங்கட்டிக்கு பேச வார்த்தைகளின்றி கையெடுத்து கும்பிட்டபடியே வெளியேற, முதர்வர் காமராஜரும் எழுந்தது கையெழத்து கும்பிட்டபடியே அனுப்பிவைத்தார்.

ஒரு ஏழையின் கண்ணீர் வலி..இன்னொரு ஏழைக்குத்தான் தெரியும். ஆமாம் காமராஜர் ஏழையாகவே, எழைகளுக்காகவே இருந்தார்....





நன்றி - ஏகலைவன். பா